દાહોદ જિલ્લા ગરબાડા તાલુકા મા ગાયોનું પૂજન: પ્રાયશ્ચિત અને આશીર્વાદની અનોખી પરંપરા

ગરબાડા તાલુકાની આદિવાસી સમાજમાં ગાયોનું પૂજન અને શણગાર પરંપરાગત રીતે ઉજવાય છે. આ દિવસે ગાયોને વિવિધ રંગોથી રંગવામાં આવે છે અને તેમના પર મોરપીંછ, ચૂડલા વગેરે પહેરાવીને શણગારવામાં આવે છે.

પછી ગામના ચોકમાં લાવીને ગાયોના પૂજનની વિધિ કરવામાં આવે છે. આ પ્રાયશ્ચિત અને આશીર્વાદની વિધિ છે, જે વર્ષભર ખેતી કે અન્ય કામોમાં પશુઓનો ઉપયોગ થતાં અને અજાણતાં તેમને નુકસાન પહોંચાડવામાં આવે તો ક્ષમા માંગવા માટે થાય છે.

આદિવાસી ખેડૂતો અને બાધા રાખનારા લોકો ગામના ચોકમાં જમીન પર સૂઈ જાય છે, અને શણગારેલી દોડતી ગાયોના ધણ તેમના શરીર પરથી પસાર થાય છે. આ જમીન પર સૂવાની પરંપરા પશુઓ તરફથી ક્ષમા મેળવવા માટે માન્ય છે.

આ પ્રથાથી માન્યતા છે કે પશુઓ તરફથી ક્ષમા મળવાથી આખું વર્ષ સુખ-સમૃદ્ધિ રહે છે, સારો વરસાદ થાય છે અને પાક સારો ઊતરે છે.