રાષ્ટ્રીય એકતા દિવસ-૨૦૨૬: 'વંદે સુજલામ – સરદાર સરોવર' ઝાંખીમાં સરકારી પોલિટેકનિક ગાંધીનગરના વિદ્યાર્થીઓની સહભાગિતા

કેવડિયા ખાતે ૩૧ ઓક્ટોબર, ૨૦૨૬ના રોજ લોખંડી પુરુષ ભારતરત્ન સરદાર વલ્લભભાઈ પટેલની જન્મજયંતિ નિમિત્તે રાષ્ટ્રીય એકતા દિવસ-૨૦૨૬ની ભવ્ય ઉજવણી કરવામાં આવી હતી. ભારતની અખંડિતતા અને રાષ્ટ્રીય એકતાના પ્રતીક સમાન આ કાર્યક્રમમાં રાજ્ય દ્વારા વિવિધ પ્રસ્તુતિઓ કરવામાં આવી હતી.

આ પ્રસંગે ગુજરાત રાજ્ય દ્વારા પ્રસ્તુત કરવામાં આવેલી ‘વંદે સુજલામ – સરદાર સરોવર’ નામની ભવ્ય ઝાંખી ખાસ આકર્ષણનું કેન્દ્ર બની હતી. આ ઝાંખીના નિર્માણ અને પ્રસ્તુતિમાં સરકારી પોલિટેકનિક, ગાંધીનગરના બાયોમેડિકલ એન્જિનિયરિંગ વિભાગના નવ વિદ્યાર્થીઓએ ગૌરવપૂર્ણ સહભાગિતા નોંધાવી હતી.

રાષ્ટ્રીય સ્તરે આયોજિત આ કાર્યક્રમમાં વિદ્યાર્થીઓની આ ભાગીદારીએ સંસ્થા માટે ગૌરવ વધાર્યું છે. સરદાર પટેલની જન્મજયંતિના અવસરે રાષ્ટ્રીય એકતાના સંદેશને પ્રોત્સાહન આપતા આ પ્રદર્શનમાં વિદ્યાર્થીઓએ પોતાની મહત્વની ભૂમિકા ભજવી હતી.

🎙️ રિપોર્ટર: હાર્દિક વૈષ્ણવ
ગાંધીનગર