मौसम
ଗଜପତିରେ କେନ୍ଦ୍ରୀୟ ଟିମ୍ର ଗ୍ରାଉଣ୍ଡ ଜିରୋ ଯାଞ୍ଚ; ଭାଙ୍ଗିଥିବା ପୋଲ ଓ ରାସ୍ତା ଦେଖିଲେ ଅଧିକାରୀ, ଖୁବଶୀଘ୍ର ଆସିବ କ୍ଷତିପୂରଣ ରିପୋର୍ଟ
ଗଜପତି: ବାତ୍ୟା ‘ଅର୍ଣ୍ଣବ’ର ପ୍ରକୋପରେ ଗଜପତି ଜିଲ୍ଲାରେ ହୋଇଥିବା ବ୍ୟାପକ କ୍ଷୟକ୍ଷତିର ଆକଳନ ପାଇଁ ମଙ୍ଗଳବାର ଜିଲ୍ଲାରେ ପହଞ୍ଚିଛି କେନ୍ଦ୍ରୀୟ ଟିମ୍। କେନ୍ଦ୍ର ଗୃହ ମନ୍ତ୍ରଣାଳୟର ଅଧିକାରୀ ରବି ଶଙ୍କରଙ୍କ ନେତୃତ୍ୱରେ ଆସିଥିବା ଏହି ଟିମ୍ ବାତ୍ୟାରେ ନଷ୍ଟ ହୋଇଥିବା ରାସ୍ତା, ପୋଲ, କଲଭର୍ଟ ଓ ଫସଲ କ୍ଷୟକ୍ଷତିର ସ୍ଥିତି ଅନୁଧ୍ୟାନ କରିଛି।
ପ୍ରଥମେ ଗଜପତି ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲଙ୍କ ସମେତ ବରିଷ୍ଠ ଅଧିକାରୀଙ୍କ ସହ କେନ୍ଦ୍ରୀୟ ଟିମ୍ ଆଲୋଚନା କରିଥିଲା। ରାୟଗଡ଼ା, ଗୁମ୍ମା, ଆର୍. ଉଦୟଗିରି ଓ ମୋହନା ବ୍ଲକ୍ରେ ହୋଇଥିବା କ୍ଷୟକ୍ଷତି ସମ୍ପର୍କରେ ଫଟୋ, ଭିଡିଓ ଓ ବିସ୍ତୃତ ରିପୋର୍ଟ ଟିମ୍କୁ ଦିଆଯାଇଥିଲା।
ଭାସିଗଲା ପୋଲ, ଭାଙ୍ଗିଲା ରାସ୍ତା; ଗ୍ରାଉଣ୍ଡ ଜିରୋରେ କେନ୍ଦ୍ରୀୟ ଟିମ୍
ବୈଠକ ପରେ ଟିମ୍ କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଥିଲା। ଆର୍. ଉଦୟଗିରି ବ୍ଲକ୍ର ମାକାପଡ଼ା ଏବଂ ମୋହନା ବ୍ଲକ୍ର ଗୁଣ୍ଡ୍ରିଗୁଡ଼ାଠାରେ ବାତ୍ୟାରେ ଧୋଇ ହୋଇଯାଇଥିବା ପୋଲଗୁଡ଼ିକୁ ଟିମ୍ ଯାଞ୍ଚ କରିଥିଲା। ଏହାସହ ଖରିଗୁଡ଼ାର କ୍ଷତିଗ୍ରସ୍ତ କଲଭର୍ଟ ଓ ଲେଡ଼ାବନ୍ଧ ନିକଟ ଜାତୀୟ ରାଜପଥର କ୍ଷତିଗ୍ରସ୍ତ ଅଂଶ ମଧ୍ୟ ପରିଦର୍ଶନ କରିଥିଲା। କ୍ଷତିଗ୍ରସ୍ତ ରାସ୍ତା ଓ ପୋଲର ତୁରନ୍ତ ମରାମତି ଏବଂ ପୁନରୁଦ୍ଧାର କାର୍ଯ୍ୟ ନେଇ ସ୍ଥାନୀୟ ଅଧିକାରୀଙ୍କ ସହ ଟିମ୍ ଆଲୋଚନା କରିଥିଲା।
ଫସଲ କ୍ଷତି ମଧ୍ୟ ଆକଳନ ହେବ: ରବି ଶଙ୍କର
କେନ୍ଦ୍ରୀୟ ଟିମ୍ର ମୁଖ୍ୟ ରବି ଶଙ୍କର କହିଛନ୍ତି, ବାତ୍ୟାରେ କେତେ ପରିମାଣର କ୍ଷୟକ୍ଷତି ହୋଇଛି ଏବଂ କେଉଁ ଅଞ୍ଚଳ ଅଧିକ ପ୍ରଭାବିତ ହୋଇଛି, ତାହାର ସର୍ଭେ ଚାଲିଛି। ଏହି ଆକଳନ ଆଧାରରେ କ୍ଷତିପୂରଣ ଓ ଅନ୍ୟାନ୍ୟ ବିଷୟରେ ଚୂଡ଼ାନ୍ତ ନିଷ୍ପତ୍ତି ନିଆଯାଇ ରିପୋର୍ଟ ଦାଖଲ କରାଯିବ। ବିଶେଷକରି ତଳିଆ ଅଞ୍ଚଳରେ ଫସଲର ବ୍ୟାପକ କ୍ଷତି ହୋଇଥିବା ସ୍ପଷ୍ଟ ହୋଇଛି ବୋଲି ସେ କହିଛନ୍ତି।
ସେହିପରି ଅନେକ ପୋଲ ନଷ୍ଟ ହୋଇଥିବା ବେଳେ ରାସ୍ତାଘାଟ ମଧ୍ୟ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ଏଗୁଡ଼ିକର ମରାମତି ଓ ପୁନରୁଦ୍ଧାର ପାଇଁ ଆବଶ୍ୟକ ପଦକ୍ଷେପ ନେବାକୁ ପଡ଼ିବ ବୋଲି ସେ ସୂଚନା ଦେଇଛନ୍ତି।
ସପ୍ତାହ ଶେଷ ସୁଦ୍ଧା ଦାଖଲ ହେବ ଅତିରିକ୍ତ ରିପୋର୍ଟ
ଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲ କହିଛନ୍ତି ଯେ, ବାତ୍ୟା ଯୋଗୁଁ ହୋଇଥିବା କ୍ଷୟକ୍ଷତି ସହ ଜିଲ୍ଲାରେ ଏପର୍ଯ୍ୟନ୍ତ ହୋଇଥିବା ମରାମତି, ରକ୍ଷଣାବେକ୍ଷଣ ଓ ପୁନରୁଦ୍ଧାର କାର୍ଯ୍ୟର ବିସ୍ତୃତ ତଥ୍ୟ କେନ୍ଦ୍ରୀୟ ଟିମ୍କୁ ପ୍ରଦାନ କରାଯାଇଛି। ଚାଲିଥିବା କ୍ଷୟକ୍ଷତି ଆକଳନକୁ ନେଇ ଚଳିତ ସପ୍ତାହ ଶେଷ ସୁଦ୍ଧା ଆଉ ଏକ ଅତିରିକ୍ତ ରିପୋର୍ଟ ଦାଖଲ କରାଯିବ।
ଗଜପତି ଜିଲ୍ଲାରେ ଯାଞ୍ଚ ଶେଷ କରିବା ପରେ କେନ୍ଦ୍ରୀୟ ଟିମ୍ ନିଜର ରିପୋର୍ଟ ରାଜ୍ୟ ସରକାରଙ୍କୁ ପ୍ରଦାନ କରିବ। ଏହି ରିପୋର୍ଟ ଆଧାରରେ ବାତ୍ୟା କ୍ଷତିଗ୍ରସ୍ତ ଅଞ୍ଚଳର ପୁନରୁଦ୍ଧାର ଓ କ୍ଷତିପୂରଣ ସମ୍ପର୍କିତ ପରବର୍ତ୍ତୀ ପଦକ୍ଷେପ ନିର୍ଦ୍ଧାରଣ ହେବ।
ପ୍ରଥମେ ଗଜପତି ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲଙ୍କ ସମେତ ବରିଷ୍ଠ ଅଧିକାରୀଙ୍କ ସହ କେନ୍ଦ୍ରୀୟ ଟିମ୍ ଆଲୋଚନା କରିଥିଲା। ରାୟଗଡ଼ା, ଗୁମ୍ମା, ଆର୍. ଉଦୟଗିରି ଓ ମୋହନା ବ୍ଲକ୍ରେ ହୋଇଥିବା କ୍ଷୟକ୍ଷତି ସମ୍ପର୍କରେ ଫଟୋ, ଭିଡିଓ ଓ ବିସ୍ତୃତ ରିପୋର୍ଟ ଟିମ୍କୁ ଦିଆଯାଇଥିଲା।
ଭାସିଗଲା ପୋଲ, ଭାଙ୍ଗିଲା ରାସ୍ତା; ଗ୍ରାଉଣ୍ଡ ଜିରୋରେ କେନ୍ଦ୍ରୀୟ ଟିମ୍
ବୈଠକ ପରେ ଟିମ୍ କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଥିଲା। ଆର୍. ଉଦୟଗିରି ବ୍ଲକ୍ର ମାକାପଡ଼ା ଏବଂ ମୋହନା ବ୍ଲକ୍ର ଗୁଣ୍ଡ୍ରିଗୁଡ଼ାଠାରେ ବାତ୍ୟାରେ ଧୋଇ ହୋଇଯାଇଥିବା ପୋଲଗୁଡ଼ିକୁ ଟିମ୍ ଯାଞ୍ଚ କରିଥିଲା। ଏହାସହ ଖରିଗୁଡ଼ାର କ୍ଷତିଗ୍ରସ୍ତ କଲଭର୍ଟ ଓ ଲେଡ଼ାବନ୍ଧ ନିକଟ ଜାତୀୟ ରାଜପଥର କ୍ଷତିଗ୍ରସ୍ତ ଅଂଶ ମଧ୍ୟ ପରିଦର୍ଶନ କରିଥିଲା। କ୍ଷତିଗ୍ରସ୍ତ ରାସ୍ତା ଓ ପୋଲର ତୁରନ୍ତ ମରାମତି ଏବଂ ପୁନରୁଦ୍ଧାର କାର୍ଯ୍ୟ ନେଇ ସ୍ଥାନୀୟ ଅଧିକାରୀଙ୍କ ସହ ଟିମ୍ ଆଲୋଚନା କରିଥିଲା।
ଫସଲ କ୍ଷତି ମଧ୍ୟ ଆକଳନ ହେବ: ରବି ଶଙ୍କର
କେନ୍ଦ୍ରୀୟ ଟିମ୍ର ମୁଖ୍ୟ ରବି ଶଙ୍କର କହିଛନ୍ତି, ବାତ୍ୟାରେ କେତେ ପରିମାଣର କ୍ଷୟକ୍ଷତି ହୋଇଛି ଏବଂ କେଉଁ ଅଞ୍ଚଳ ଅଧିକ ପ୍ରଭାବିତ ହୋଇଛି, ତାହାର ସର୍ଭେ ଚାଲିଛି। ଏହି ଆକଳନ ଆଧାରରେ କ୍ଷତିପୂରଣ ଓ ଅନ୍ୟାନ୍ୟ ବିଷୟରେ ଚୂଡ଼ାନ୍ତ ନିଷ୍ପତ୍ତି ନିଆଯାଇ ରିପୋର୍ଟ ଦାଖଲ କରାଯିବ। ବିଶେଷକରି ତଳିଆ ଅଞ୍ଚଳରେ ଫସଲର ବ୍ୟାପକ କ୍ଷତି ହୋଇଥିବା ସ୍ପଷ୍ଟ ହୋଇଛି ବୋଲି ସେ କହିଛନ୍ତି।
ସେହିପରି ଅନେକ ପୋଲ ନଷ୍ଟ ହୋଇଥିବା ବେଳେ ରାସ୍ତାଘାଟ ମଧ୍ୟ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି। ଏଗୁଡ଼ିକର ମରାମତି ଓ ପୁନରୁଦ୍ଧାର ପାଇଁ ଆବଶ୍ୟକ ପଦକ୍ଷେପ ନେବାକୁ ପଡ଼ିବ ବୋଲି ସେ ସୂଚନା ଦେଇଛନ୍ତି।
ସପ୍ତାହ ଶେଷ ସୁଦ୍ଧା ଦାଖଲ ହେବ ଅତିରିକ୍ତ ରିପୋର୍ଟ
ଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲ କହିଛନ୍ତି ଯେ, ବାତ୍ୟା ଯୋଗୁଁ ହୋଇଥିବା କ୍ଷୟକ୍ଷତି ସହ ଜିଲ୍ଲାରେ ଏପର୍ଯ୍ୟନ୍ତ ହୋଇଥିବା ମରାମତି, ରକ୍ଷଣାବେକ୍ଷଣ ଓ ପୁନରୁଦ୍ଧାର କାର୍ଯ୍ୟର ବିସ୍ତୃତ ତଥ୍ୟ କେନ୍ଦ୍ରୀୟ ଟିମ୍କୁ ପ୍ରଦାନ କରାଯାଇଛି। ଚାଲିଥିବା କ୍ଷୟକ୍ଷତି ଆକଳନକୁ ନେଇ ଚଳିତ ସପ୍ତାହ ଶେଷ ସୁଦ୍ଧା ଆଉ ଏକ ଅତିରିକ୍ତ ରିପୋର୍ଟ ଦାଖଲ କରାଯିବ।
ଗଜପତି ଜିଲ୍ଲାରେ ଯାଞ୍ଚ ଶେଷ କରିବା ପରେ କେନ୍ଦ୍ରୀୟ ଟିମ୍ ନିଜର ରିପୋର୍ଟ ରାଜ୍ୟ ସରକାରଙ୍କୁ ପ୍ରଦାନ କରିବ। ଏହି ରିପୋର୍ଟ ଆଧାରରେ ବାତ୍ୟା କ୍ଷତିଗ୍ରସ୍ତ ଅଞ୍ଚଳର ପୁନରୁଦ୍ଧାର ଓ କ୍ଷତିପୂରଣ ସମ୍ପର୍କିତ ପରବର୍ତ୍ତୀ ପଦକ୍ଷେପ ନିର୍ଦ୍ଧାରଣ ହେବ।