નર્મદા જિલ્લા માહિતી કચેરીમાં સતર્કતા જાગૃતિ સપ્તાહની ઉજવણી, કર્મચારીઓએ લીધા નિષ્ઠાના શપથ

ભ્રષ્ટાચારના નિર્મૂલન અને સરકારી વહીવટમાં પારદર્શિતા, જવાબદારી તથા પ્રામાણિકતાની ભાવનાને પ્રોત્સાહન આપવા રાજ્યભરમાં ‘સતર્કતા જાગૃતિ સપ્તાહ-૨૦૨૬’ની ઉજવણી કરવામાં આવી રહી છે.
જેના ભાગરૂપે નર્મદા જિલ્લા માહિતી કચેરીના અધિકારીઓ અને કર્મચારીઓએ સામૂહિક રીતે ફરજ પ્રત્યે નિષ્ઠા અને પ્રામાણિકતાના શપથ લીધા હતા. આ પ્રસંગે કર્મચારીઓએ પોતાની ફરજ જવાબદારીપૂર્વક અને નિષ્ઠાથી નિભાવવાની પ્રતિબદ્ધતા વ્યક્ત કરી હતી.
સાથે જ જાહેર સેવાઓમાં પારદર્શિતા જાળવવા, ભ્રષ્ટાચારથી દૂર રહેવા, કોઈપણ ગેરરીતિ સામે અવાજ ઉઠાવવા અને નાગરિકોના હિતને સર્વોપરી રાખીને કામગીરી કરવાનો સંકલ્પ કર્યો હતો. આ પહેલ દ્વારા સ્વચ્છ, પારદર્શક અને ભ્રષ્ટાચારમુક્ત વહીવટી વ્યવસ્થાના નિર્માણનો સંદેશ આપવામાં આવ્યો હતો.