પ્રાંતિજ તાલુકાના બાલીસણા પ્રાથમિક આરોગ્ય કેન્દ્રમાં રક્તદાન કેમ્પ, ૨૬ યુનિટ રક્ત એકત્રિત..

સાબરકાંઠાના-:
પ્રાંતિજ તાલુકાના બાલીસણા પ્રાથમિક આરોગ્ય કેન્દ્ર ખાતે માનવસેવા અને લોકભાગીદારીને પ્રોત્સાહિત કરવા રક્તદાન કેમ્પનું આયોજન કરવામાં આવ્યું.આ કેમ્પમાં સ્થાનિક નાગરિકો ઉત્સાહપૂર્વક ભાગ લઈને કુલ ૨૬ યુનિટ રક્ત એકત્રિત કર્યું.પ્રાંતિજની ગર્વ હોસ્પિટલના તબીબ ડૉકટર ધ્રુમીલભાઈએ પણ સ્વૈચ્છિક રીતે રક્તદાન કરીને અન્ય દાતાઓને પ્રેરિત કર્યા..

પ્રાથમિક આરોગ્ય કેન્દ્રના મેડિકલ ઓફિસર, આયુષ મેડિકલ ઓફિસર, MPHS અને આરોગ્ય કર્મચારી ટીમે કેમ્પની સફળતા માટે સહયોગ આપ્યો.જાયન્ટ્સ હિંમતનગર સહિયર ગ્રુપ દ્વારા દાતાઓને સન્માનિત કરીને ઇનામોનું વિતરણ કરવામાં આવ્યું,જે સ્વૈચ્છિક રક્તદાન અંગે જાગૃતિ ફેલાવવા અને વધુ નાગરિકોને આ કાર્યમાં જોડાવા માટે પ્રોત્સાહન રૂપ છે.