Politics
હિંમતનગર: મણિપુર સાંસદ પર યૌન શોષણના આરોપો મુદ્દે ભાજપ મહિલા મોરચા દ્વારા કોંગ્રેસ કાર્યાલયનો ઘેરાવ
હિંમતનગરના મોતીપુરા સ્થિત જિલ્લા કોંગ્રેસ કાર્યાલય સામે ભારતીય જનતા પાર્ટી મહિલા મોરચા દ્વારા મણિપુરના કોંગ્રેસ સાંસદ અંગોમ બીમોલ પર થયેલા યૌન શોષણના ગંભીર આરોપોને પગલે ઉગ્ર વિરોધ પ્રદર્શન કરવામાં આવ્યું.
હિંમતનગરના મોતીપુરા ખાતે આવેલા સાબરકાંઠા જિલ્લા કોંગ્રેસ કાર્યાલય સામે આજે ભારતીય જનતા પાર્ટીના મહિલા મોરચા દ્વારા જોરદાર વિરોધ પ્રદર્શન યોજાયું હતું. આ વિરોધ પ્રદર્શન મણિપુરના કોંગ્રેસ સાંસદ અને JNUના પૂર્વ પ્રોફેસર અંગોમ બીમોલ પર લાગેલા યૌન શોષણના ગંભીર આરોપોના સંદર્ભમાં કરવામાં આવ્યું હતું.
મળતી માહિતી મુજબ, JNUની તપાસ સમિતિ દ્વારા યૌન શોષણના આરોપોમાં દોષિત ઠેરવવામાં આવ્યા બાદ પ્રોફેસર અંગોમ બીમોલ પાસેથી રાજીનામું લેવાઈ ચૂક્યું છે. તેમ છતાં, ભારતીય જનતા પાર્ટીના કાર્યકરોએ આક્ષેપ કર્યો હતો કે કોંગ્રેસ પક્ષ દ્વારા તેમને સાંસદ પદેથી દૂર કરવા કે પક્ષમાંથી હાંકી કાઢવા માટે કોઈ નક્કર પગલાં લેવામાં આવ્યા નથી.
ભાજપ મહિલા મોરચાએ આક્રમક વલણ અપનાવી કોંગ્રેસ હાઇકમાન્ડ સામે ગંભીર સવાલો ઉઠાવ્યા હતા. તેમણે જણાવ્યું હતું કે, કોંગ્રેસ એક તરફ મહિલા સશક્તિકરણની મોટી-મોટી વાતો કરે છે, પરંતુ બીજી તરફ યૌન શોષણના આરોપી સાંસદને પક્ષમાં જાળવી રાખી પોતાની બેવડી નીતિ છતી કરી રહી છે. આ મુદ્દે ભાજપે કોંગ્રેસની નીતિઓ પર પ્રશ્નાર્થ સર્જ્યો હતો.
મળતી માહિતી મુજબ, JNUની તપાસ સમિતિ દ્વારા યૌન શોષણના આરોપોમાં દોષિત ઠેરવવામાં આવ્યા બાદ પ્રોફેસર અંગોમ બીમોલ પાસેથી રાજીનામું લેવાઈ ચૂક્યું છે. તેમ છતાં, ભારતીય જનતા પાર્ટીના કાર્યકરોએ આક્ષેપ કર્યો હતો કે કોંગ્રેસ પક્ષ દ્વારા તેમને સાંસદ પદેથી દૂર કરવા કે પક્ષમાંથી હાંકી કાઢવા માટે કોઈ નક્કર પગલાં લેવામાં આવ્યા નથી.
ભાજપ મહિલા મોરચાએ આક્રમક વલણ અપનાવી કોંગ્રેસ હાઇકમાન્ડ સામે ગંભીર સવાલો ઉઠાવ્યા હતા. તેમણે જણાવ્યું હતું કે, કોંગ્રેસ એક તરફ મહિલા સશક્તિકરણની મોટી-મોટી વાતો કરે છે, પરંતુ બીજી તરફ યૌન શોષણના આરોપી સાંસદને પક્ષમાં જાળવી રાખી પોતાની બેવડી નીતિ છતી કરી રહી છે. આ મુદ્દે ભાજપે કોંગ્રેસની નીતિઓ પર પ્રશ્નાર્થ સર્જ્યો હતો.