સુરતમાં 'તેજસ એસોસિએશન'ના કાર્યક્રમનો મજૂર યુનિયન દ્વારા ઉગ્ર વિરોધ, રદ કરવાની માંગ

સુરત શહેરમાં મજૂરોના હક અને અધિકારોને લઈને વિવિધ રજૂઆતો અને આંદોલન ચાલી રહ્યું છે. આ સંવેદનશીલ પરિસ્થિતિ વચ્ચે, આગામી 10 ઓક્ટોબર 2026ના રોજ ‘તેજસ એસોસિએશન’ દ્વારા યોજાનારા જાહેર કાર્યક્રમનો મજૂર યુનિયન દ્વારા ઉગ્ર વિરોધ કરવામાં આવ્યો છે.

મજૂર યુનિયનના પ્રતિનિધિ અજય ડી. દુબે (અજય ધારા)એ વહીવટી તંત્ર અને મીડિયા સમક્ષ આ કાર્યક્રમને તાત્કાલિક અસરથી રદ કરવાની માંગણી કરી છે. તેમણે જણાવ્યું કે, વર્તમાન સંવેદનશીલ પરિસ્થિતિમાં આવા જાહેર આયોજનથી શ્રમિકોમાં અસંતોષ અને ગેરસમજ પેદા થઈ શકે છે.

યુનિયનના પ્રતિનિધિએ વધુમાં જણાવ્યું હતું કે, આવા આયોજનથી શહેરની કાયદો અને વ્યવસ્થાની સ્થિતિ વણસવાની પૂર્ણ શક્યતા રહેલી છે. તેથી, મજૂર યુનિયન દ્વારા આયોજકોને કાર્યક્રમ રદ કરવા અથવા સ્થગિત કરવા માટે અપીલ કરવામાં આવી છે.