ચાંદણગઢ ગરબા મહોત્સવ માટે ગ્રાઉન્ડ તૈયારીઓ, પંચમહાલ‑દાહોદથી ખેલૈયાઓની મોટી ઉપસ્થિતિ

ચાંદણગઢમાં ગરબા મહોત્સવ માટે વિવિધ સ્થળોએ ગરબા ગ્રાઉન્ડની તૈયારીઓ શરૂ થઈ ગઈ છે. શહેરા તાલુકા સહિત પંચમહાલ, મહીસાગર અને દાહોદ જિલ્લાઓમાંથી ખેલૈયાઓ મોટી સંખ્યામાં ભાગ લેવા આવવાના છે.

શહેરા તાલુકાના સૌથી મોટા ગરબા સ્થળ તરીકે ચાંદણગઢના જંગલ વિસ્તારમાં આવેલ ખુલ્લા ધામને પસંદ કરવામાં આવ્યું છે, જ્યાં ખોડિયાર યુવક મંડળ દ્વારા છેલ્લા ૨૨ વર્ષથી નવરાત્રીનું આયોજન કરવામાં આવે છે.

નવરાત્રીના નવેય દિવસ દરમિયાન આરતીમાં મોટી સંખ્યામાં લોકો જોડાય છે, અને આયોજકો દ્વારા ગ્રાઉન્ડ તેમજ અન્ય જરૂરી સુવિધાઓની પૂરજોશમાં તૈયારીઓ કરવામાં આવી રહી છે.

આયોજકો ખેલૈયાઓને કોઈપણ પ્રકારની તકલીફ ન પડે તે માટે ખાસ ધ્યાન આપી રહ્યા છે, જેથી બધા ભાગલેનારો સુરક્ષિત અને સુખદ અનુભવ મેળવી શકે.