સેજવાલા માતમ સામે રોડ પર ખાડો પડતા વાહનવ્યવહાર રોકાયો, તંત્રને જાણ કરાઈ

સેજવાલા માતમ સામે ક્રિષ્ના પેટ્રોલપંપ નજીક રોડ તૂટી જતાં એક મોટો ખાડો પડી ગયો છે. આ ખાડાને કારણે વાહનચાલકોને ભારે હાલાકીનો સામનો કરવો પડી રહ્યો છે અને અકસ્માતનો ભય રહેલો છે.

સ્થળ પર હાજર લોકોના ધ્યાનમાં આ બાબત આવતા તાત્કાલિક અસરથી બેરીકેટ લગાવીને રોડ બંધ કરી દેવામાં આવ્યો છે, જેથી કોઈ અકસ્માત ન સર્જાય. વાહનચાલકોને આ માર્ગ પરથી પસાર થતી વખતે ખાસ ધ્યાન રાખવા જણાવાયું છે.

આ અંગે સંબંધિત તંત્રને જાણ કરવામાં આવી છે અને અકસ્માત નિવારવા માટે જરૂરી પગલાં લેવા માટે સૂચના આપવામાં આવી છે. તંત્ર દ્વારા રોડ રિપેર કરવાની કામગીરી હાથ ધરવામાં આવે તેવી અપેક્ષા છે.