મહેસાણા LCB દ્વારા ભેંસ ચોરી અને કતલખાને વેચતા ૩ ઈસમો સામે પાસાની કાર્યવાહી..

મહેસાણામાં-:
ખેડૂતોની જંગમ મિલકત ગણાતી ભેંસોની ચોરી કરીને તેને કતલખાને અથવા અન્ય સ્થળોએ વેચી દેવાના ગુનામાં સંડોવાયેલા ત્રણ ઈસમો સામે કડક કાર્યવાહી કરવામાં આવી છે. લોકલ ક્રાઇમ બ્રાન્ચ, મહેસાણા દ્વારા આ ઈસમો વિરુદ્ધ પાસા (પ્રિવેન્શન ઓફ એન્ટિ-સોશિયલ એક્ટિવિટીઝ એક્ટ) હેઠળ કાર્યવાહી કરવામાં આવી છે..

આ ઈસમો ખેડૂતોની ભેંસોની ચોરી કરીને તેમને મોટું આર્થિક નુકસાન પહોંચાડતા હતા. આ ઉપરાંત, તેઓ મિલકત સંબંધિત અન્ય ગુનાઓમાં પણ સંડોવાયેલા હોવાનું સામે આવ્યું છે. આવા ગુનાખોરોને કાયદાના સકંજામાં લાવવા માટે LCB દ્વારા સતત પ્રયાસો કરવામાં આવી રહ્યા છે.પાસા હેઠળની કાર્યવાહીનો મુખ્ય ઉદ્દેશ્ય આવા ગુનાખોરોને સમાજ માટે જોખમી પ્રવૃત્તિઓ કરતા અટકાવવાનો અને કાયદો-વ્યવસ્થા જાળવવાનો છે.LCB દ્વારા આ પ્રકારના ગુનાઓમાં સંડોવાયેલા અન્ય ઈસમો પર પણ નજર રાખવામાં આવી રહી છે,જરૂર જણાયે કડક કાર્યવાહી કરવામાં આવશે.