भोर तालुक्यात मुसळधार पावसामुळे हिरडस मावळ खोऱ्यात भात पिकाचे मोठे नुकसान... शेतकरी हवालदिल

भोर तालुक्यातील मुसळधार पावसामुळे हिरडस मावळ खोऱ्यात शेतकऱ्यांनी काढलेल्या भात पिकाचे मोठे नुकसान झाले.

सकाळी सलग दोन-तीन तास पडलेल्या पावसाने भावेखल, साळव गावातील शेतकऱ्यांनी शेतात काढणी करून ठेवलेले भात पीक भिजले, ज्यामुळे पिकाचे अतोनात नुकसान झाले.

भात पिक भिजल्यामुळे पाण्याचे साचणे आणि खाचरात पाणी साचल्याने हाता तोंडाशी आलेला घास मावळला, दुष्काळाच्या परिस्थितीत कष्टाने वाढवलेले पीक वाया गेले आणि शेतकरी संकटात सापडले.

या परिस्थितीत परिसरातील शेतकऱ्यांनी शासनाकडून तात्काळ
दखल घेऊन नुकसानग्रस्त शेतकऱ्यांना मदत करण्याची मागणी केली आहे.