ગોમતીપુરમાં રાધિકા ફૂડ પ્રોડક્ટ્સ કંપનીના કોલ્ડ સ્ટોરેજમાં 40,000 કિલો શંકાસ્પદ માવો જપ્ત

દિવાળી પૂર્વે ગોમતીપુરમાં આવેલ રાધિકા ફૂડ પ્રોડક્ટ્સ કંપનીના કોલ્ડ સ્ટોરેજમાં ખાદ્ય વિભાગે 40,000 કિલો શંકાસ્પદ માવો જપ્ત કર્યો. તપાસ દરમ્યાન માવાની સાથે મીઠાઈ અને ફરસાણનાં નમૂનાઓ પણ લેવામાં આવ્યા.

માવો ભેળસેળવાળો છે કે નહીં, તે નક્કી કરવા માટે નમૂનાઓની લેબોરેટરી તપાસ કરવામાં આવશે. આ મોટા જથ્થાના શંકાસ્પદ માવા મળવાથી તહેવારોમાં વધતી મીઠાઈની ખરીદી દરમિયાન ખાદ્યપદાર્થોની ગુણવત્તા અને સ્વચ્છતા અંગે સવાલો ઊભા થયા છે.

ખાદ્ય વિભાગે જનતા ને સલાહ આપી છે કે દિવાળીની ખરીદી દરમિયાન સ્વચ્છતા અને ગુણવત્તા પર ધ્યાન આપો, અને ખરીદીનું બિલ રાખો. નમૂનાઓની તપાસના પરિણામો મળતા જ વધુ સ્પષ્ટતા થશે.