અમદાવાદના કાલુપુર વિસ્તારમાં જૂનું મકાન ધરાશાયી, 3 લોકોને સુરક્ષિત બચાવાયા

અમદાવાદના કાલુપુર વિસ્તારમાં ટંકશાળ રોડ પર આવેલી કાળુસાની પોળમાં એક જૂનું મકાન અચાનક ધરાશાયી થતાં અફરાતફરી મચી ગઈ હતી. ફાયર બ્રિગેડની ટીમે તાત્કાલિક પહોંચી 3 લોકોને સુરક્ષિત રીતે બહાર કાઢ્યા.

અમદાવાદ શહેરના કાલુપુર વિસ્તારમાં ટંકશાળ રોડ પર આવેલી કાળુસાની પોળમાં એક જૂનું મકાન અચાનક ધરાશાયી થયું હતું. આ ઘટનાની જાણ થતાં જ સ્થાનિક લોકોમાં ભયનો માહોલ સર્જાયો હતો.

ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી ગઈ હતી. ફાયર વિભાગના જવાનોએ ભારે જહેમત બાદ મકાનના કાટમાળમાંથી 3 લોકોને સુરક્ષિત રીતે બહાર કાઢવામાં સફળતા મેળવી હતી. સદનસીબે કોઈ જાનહાનિ થઈ ન હતી.

આ બનાવને પગલે સમગ્ર વિસ્તારમાં અફરાતફરીનો માહોલ સર્જાયો હતો. હાલ ફાયર બ્રિગેડ દ્વારા વધુ તપાસ અને જરૂરી બચાવ કામગીરી હાથ ધરવામાં આવી રહી છે. મકાન ધરાશાયી થવાના ચોક્કસ કારણોની તપાસ કરવામાં આવી રહી છે.