UPI ପେମେଣ୍ଟକୁ ବିରୋଧ, କ୍ୟାଶରେ ଚାଲିଛି କାରବାର

ସୋର ବ୍ୟବସାୟୀ ସଂଘ UPI ପେମେଣ୍ଟକୁ ବିରୋଧ କରି ଦୋକାନ ଗୁଡିକରୁ ଯେ କୌଣସି ଜିନିଷ କିଣିଲେ ନଗଦ ଟଙ୍କାରେ କାରବାର କରୁଛନ୍ତି । କୌଣସି UPI ପେମେଣ୍ଟରେ ନେଣ ଦେଣ କରାଯାଉନାହିଁ ।ଆଜି ସାରା ରାଜ୍ୟରେ UPI ପେମେଣ୍ଟକୁ ବିରୋଧ କରାଯାଇଛି l UPI ପେମେଣ୍ଟରେ ମର୍ଚ୍ଚାଣ୍ଟ ଡିସ୍କାଉଣ୍ଟ ରେଟ୍ ବା MDR ସମ୍ପର୍କରେ ସରକାରୀ ସ୍ପଷ୍ଟୀକରଣ ସତ୍ତ୍ବେ ବ୍ୟବସାୟୀଙ୍କ ଥମୁନି ଅସନ୍ତୋଷ । କେଉଁଠି ବିଦ୍ରୋହ ତ କେଉଁଠି QR କୋଡ୍ ହଟାଇ ଅନଲାଇନ କାରବାର ବନ୍ଦ କରାଯାଉଛି । ଧାର୍ଯ୍ୟ ନିଷ୍ପତ୍ତି ମୁତାବକ ଆଜି NO UPI DAY ଘୋଷଣା କରି କିଛି ସ୍ଥାନରେ ଗର୍ଜିଛନ୍ତି ବ୍ୟବସାୟୀ । ଫଳରେ ନାକେଦମ୍ ଗ୍ରାହକ। ଏଭଳି ସ୍ଥିତିରେ ଗତ ସେପଟେମ୍ବରରେ ଦେଶବ୍ୟାପି UPI କାରବାର ପ୍ରାୟ ୨ % ଖସିଥିବାରୁ ଆଗକୁ ଆହୁରି ପ୍ରଭାବିତ ହେବ ବୋଲି ଆଶଙ୍କା କରାଯାଉଛି । ସୋର ବ୍ୟବସାୟୀ ସଂଘ UPI ପେମେଣ୍ଟକୁ ବିରୋଧ କରି ଦୋକାନ ଗୁଡିକରୁ ଯେ କୌଣସି ଜିନିଷ କିଣିଲେ ନଗଦ ଟଙ୍କାରେ କାରବାର କରୁଛନ୍ତି । କୌଣସି UPI ପେମେଣ୍ଟରେ ନେଣ ଦେଣ କରାଯାଉନାହିଁ । ସରକାରଙ୍କ ତରଫରୁ ଲୋକଙ୍କୁ UPI ମାଧ୍ୟମରେ ସମସ୍ତ ସୁବିଧା କରାଯାଉଥିଲା । କିନ୍ତୁ ଆସନ୍ତା କିଛି ଦିନ ପରେ ସରକାର UPI କଲେ ବ୍ୟବସାୟୀଙ୍କ ପାଖରୁ 0.4% ଟ୍ୟାକ୍ସ ନେବେ ଆଉ ବ୍ୟବସାୟୀମାନେ ଏହି ଟଙ୍କା ପରୋକ୍ଷ ଭାବରେ ଗ୍ରାହକଠାରୁ ଗ୍ରହଣ କରିବେ । ତେଣୁ ଏହାକୁ ବିରୋଧ ବା ପ୍ରତିବାଦ ସ୍ୱରୂପ ଆଜି ଦୋକାନୀଙ୍କ ତରଫରୁ ଏହାକୁ ବିରୋଧ କରି UPI ପେମେଣ୍ଟ ବନ୍ଦ କରାଯାଇଛି । ଯାହାଦ୍ୱାରା ଅନେକ ଲୋକ ଅସୁବିଧାରେ ସମ୍ମୁଖୀନ ହେଉଛନ୍ତି ।
ଏହାର ପ୍ରଭାବ ଗଞ୍ଜାମ ଜିଲ୍ଲାରେ ମଧ୍ୟ ଦେଖିବାକୁ ମିଳିଥିଲା । ଅକ୍ଟୋବର ୨ ତାରିଖକୁ ନୋ ୟୁପିଆଇ ଦିନ ଭାବେ ପାଳନ କରିବାକୁ ଆଜି ଗଞ୍ଜାମ ଚାମ୍ୱର ଅଫ କମର୍ସ ପକ୍ଷରୁ ଆହ୍ୱାନ କରାଯାଇଛି । ଏନେଇ ଚାମ୍ୱର ଅଫ କମର୍ସର କର୍ମକର୍ତ୍ତାମାନେ ପ୍ଲା କାର୍ଡ ଧରି ସହର ସାରା ଏକ ରାଲି ବାହାର କରିଥିଲେ । ସେମାନେ କହିବା କଥା ୧୦ ବର୍ଷ ଧରି ଖୁଚୁରା ବ୍ୟବସାୟୀମାନେ ଏବଂ ଗ୍ରାହକମାନେ ଏହା ଦ୍ୱାରା ଫଳପ୍ରଦ ହେଉଛନ୍ତି । ୨୦୦୦ ଉପରେ ବ୍ୟବସାୟୀଙ୍କୁ ଶୁଳ୍କ ଲଗାଇବା ଠିକ୍ ନୁହେଁ । ସରକାର ଆଗକୁ ଏହି ଶୁଳ୍କ ବଢାଇ ପାରନ୍ତି । ତେଣୁ ଏହାକୁ ଆମେ ବିରୋଧ କରୁଛୁ । ଯଦି ସରକାର ନ ଶୁଣନ୍ତି ତେବେ ଆଗକୁ ଏହି ଆନ୍ଦୋଳନ ଚାଲୁ ରହିବ ବୋଲି ଗଞ୍ଜାମ ଚାମ୍ୱର ଅଫ କମର୍ସ ପକ୍ଷରୁ କୁହାଯାଇଛି ।