રાજકોટમાં SOG અને DCB પોલીસે ચલણની બનાવટી નોટો બનાવતા શખ્સને ઝડપી પાડ્યો, ₹65,500નો મુદ્દામાલ કબજે

રાજકોટ શહેરમાં ભારતીય ચલણની બનાવટી નોટો બનાવતો એક શખ્સને શહેરની SOG અને DCB પોલીસ ટીમે ઝડપી પાડ્યો છે. પોલીસની તપાસ દરમિયાન શખ્સ પાસેથી બનાવટી નોટો તેમજ તેને બનાવવા માટે વપરાતા વિવિધ ટેકનિકલ સાધનો મળી આવ્યા છે.

પોલીસ કાર્યવાહીમાં શખ્સ પાસેથી ₹100ના દરની 216 બનાવટી નોટો અને ₹500ના દરની 3 બનાવટી નોટો મળી કુલ 219 બનાવટી નોટો જપ્ત કરવામાં આવ્યા છે. આ ઉપરાંત, નોટો બનાવવાના કામમાં ઉપયોગમાં લેવાતા પ્રિન્ટર, સ્કેનર, CPU અને લેમિનેટર જેવા સાધનો પણ પોલીસે કબજે કર્યા છે.

પોલીસે આ કિસ્સામાં કુલ ₹65,500નો મુદ્દામાલ કબજે કરીને કાયદેસરની કાર્યવાહી હાથ ધરી છે. ઝડપાયેલા શખ્સ વિરુદ્ધ ગુનો દાખલ કરીને વધુ તપાસ હાથ ધરવામાં આવી રહી છે.