शहादा नगरपालिकेच्या विकासासाठी निधी वाटपात भेदभाव.

शहाद्याच्या विकासाचा निधी अडवला का? जिल्हा नियोजन समितीविरोधात जिल्हाधिकारी कार्यालयासमोर लाक्षणिक उपोषण सुरू
नंदुरबार जिल्हा नियोजन समितीकडून (DPC) शहादा नगरपालिकेला विकास निधीतून एकही रुपया न मिळाल्याने नागरिकांवर आणि शहादा शहरावर मोठा अन्याय झाला आहे. या अन्यायाविरोधात प्रशासनाला जागे करण्यासाठी आज नंदुरबार जिल्हाधिकारी कार्यालयाच्या मुख्य प्रवेशद्वारासमोर एकदिवसीय लाक्षणिक उपोषण पुकारण्यात आले आहे.
प्रमुख मागण्या व मुद्दे
शहादा पालिकेला हक्काचा विकास निधी तातडीने मंजूर करा.
शहरातील खड्डेमुक्त रस्ते आणि मूलभूत नागरी सुविधांचा प्रश्न मार्गी लावा.
कोट्यवधींच्या रखडलेल्या प्रस्तावांवर तातडीने निर्णय घ्या
नागरिकांना आवाहन
हे लाक्षणिक उपोषण आज संध्याकाळी ६ वाजेपर्यंत सुरू राहणार आहे. शहादा शहर, तालुका आणि परिसरातील सर्व नागरिक, कार्यकर्ते आणि हितचिंतकांनी मोठ्या संख्येने उपस्थित राहून या आंदोलनाला पाठिंबा द्यावा, असे आवाहन उपोषणकर्त्यांनी केले