ભરૂચ: જોલવામાંથી ₹6.70 લાખની નશીલી ગોળીઓનો જથ્થો ઝડપાયો, એક આરોપીની ધરપકડ

ભરૂચના જોલવા ગામ ખાતે એન્ટી નાર્કોટિક્સ વિંગ દ્વારા એક મોટા દરોડામાં નશીલી ગોળીઓનો જંગી જથ્થો ઝડપી પાડવામાં આવ્યો છે. આ કાર્યવાહી દરમિયાન પોલીસે 'તરંગ વિજયાવટી' નામની કુલ 13.4 કિલોગ્રામ ગોળીઓ કબજે કરી છે, જેની બજાર કિંમત આશરે ₹6.70 લાખ રૂપિયા આંકવામાં આવી રહી છે.

પોલીસની પ્રાથમિક પૂછપરછમાં સામે આવેલી વિગતો અનુસાર, આ નશીલી ગોળીઓનો જથ્થો રાજસ્થાન રાજ્યમાંથી મંગાવવામાં આવતો હતો. પોલીસે આ મામલે એક આરોપીની ધરપકડ કરી વધુ તપાસ હાથ ધરી છે.

એન્ટી નાર્કોટિક્સ વિંગની આ સફળ કામગીરીથી સ્થાનિક વિસ્તારમાં ચકચાર મચી જવા પામી છે. પોલીસે આ ગોળીઓના સપ્લાય ચેઇન અને તેના ઉપયોગ અંગે ઊંડાણપૂર્વક તપાસ શરૂ કરી છે, જેથી આવા ગુનાહિત કૃત્યોને ડામી શકાય.