Local
કડોદરા: ઘટતી વસ્તીને પહોંચી વળવા પાટીદાર સમાજમાં ત્રીજા બાળકના જન્મ પર ₹50,000ની FDની જાહેરાત
કચ્છ કડવા પાટીદાર સમાજ અને દક્ષિણ ગુજરાત ઝોન સમાજની જનરલ સભામાં સમાજની ઘટતી જતી વસ્તી અને વિભક્ત થતા પરિવારોની ચિંતા વ્યક્ત કરવામાં આવી હતી. આ સમસ્યાના નિરાકરણ માટે સમાજ દ્વારા ત્રીજા બાળકના જન્મ પર ₹50,000ની ફિક્સ્ડ ડિપોઝિટ (FD) આપી પ્રોત્સાહન આપવાની યોજના જાહેર કરાઈ છે.
કડોદરા ખાતે કચ્છ કડવા પાટીદાર સમાજ તથા દક્ષિણ ગુજરાત ઝોન સમાજની એક મહત્વપૂર્ણ જનરલ સભાનું આયોજન કરવામાં આવ્યું હતું. આ સભા દરમિયાન સમાજમાં ઘટતી જતી વસ્તી અને વિભક્ત થતા પરિવારોની ગંભીર પરિસ્થિતિ અંગે આગેવાનો દ્વારા મનોમંથન કરવામાં આવ્યું હતું. સમાજની સંખ્યામાં વૃદ્ધિ કરવા અને પરિવારોને વધુ સંતાન પ્રાપ્તિ માટે પ્રેરિત કરવાના ઉમદા હેતુથી એક વિશેષ યોજનાની જાહેરાત કરવામાં આવી છે.
આ યોજના અંતર્ગત, જો કોઈ પરિવારમાં ત્રીજું બાળક જન્મે તો તેને ₹50,000ની ફિક્સ્ડ ડિપોઝિટ (FD) આપીને સન્માનિત કરવામાં આવશે. આ જાહેરાત અંગે વધુ વિગતો આપતા કચ્છ કડવા પાટીદાર સમાજ, સુરતના પ્રમુખ અને દક્ષિણ ગુજરાત ઝોન સમાજના વાઇસ પ્રેસિડેન્ટ ઝવેરીલાલ મૌજીભાઈ રામાણીએ જણાવ્યું હતું કે, "અત્યારે જે નિર્ણય લેવામાં આવ્યો છે તે મુજબ, ઝોન સમાજમાં કોઈપણ પરિવારમાં ત્રીજું બાળક અવતરશે તો 50 હજારની FD દ્વારા ઝોન સમાજ તેને માનભેર સન્માનિત કરી સુપ્રત કરશે. આવું અમે ઝોન સમાજે વિચાર્યું છે."
આ જાહેરાતનો મુખ્ય ઉદ્દેશ્ય સમાજના પરિવારોમાં વસ્તી વધારા તરફ હકારાત્મક અભિગમ કેળવાય તેવો પ્રયાસ કરવાનો છે. ઘટતી જતી જન્મદરની ચિંતાને ધ્યાનમાં રાખીને લેવાયેલું આ પગલું સમાજમાં ચર્ચાનો વિષય બન્યું છે અને તેના સકારાત્મક પરિણામોની અપેક્ષા રાખવામાં આવી રહી છે.
આ યોજના અંતર્ગત, જો કોઈ પરિવારમાં ત્રીજું બાળક જન્મે તો તેને ₹50,000ની ફિક્સ્ડ ડિપોઝિટ (FD) આપીને સન્માનિત કરવામાં આવશે. આ જાહેરાત અંગે વધુ વિગતો આપતા કચ્છ કડવા પાટીદાર સમાજ, સુરતના પ્રમુખ અને દક્ષિણ ગુજરાત ઝોન સમાજના વાઇસ પ્રેસિડેન્ટ ઝવેરીલાલ મૌજીભાઈ રામાણીએ જણાવ્યું હતું કે, "અત્યારે જે નિર્ણય લેવામાં આવ્યો છે તે મુજબ, ઝોન સમાજમાં કોઈપણ પરિવારમાં ત્રીજું બાળક અવતરશે તો 50 હજારની FD દ્વારા ઝોન સમાજ તેને માનભેર સન્માનિત કરી સુપ્રત કરશે. આવું અમે ઝોન સમાજે વિચાર્યું છે."
આ જાહેરાતનો મુખ્ય ઉદ્દેશ્ય સમાજના પરિવારોમાં વસ્તી વધારા તરફ હકારાત્મક અભિગમ કેળવાય તેવો પ્રયાસ કરવાનો છે. ઘટતી જતી જન્મદરની ચિંતાને ધ્યાનમાં રાખીને લેવાયેલું આ પગલું સમાજમાં ચર્ચાનો વિષય બન્યું છે અને તેના સકારાત્મક પરિણામોની અપેક્ષા રાખવામાં આવી રહી છે.