અમદાવાદમાં ભાડાની ગાડી ગીરવે મૂકી ₹2 લાખ મેળવ્યાનો આક્ષેપ, GPSના કારણે મામલો સામે આવ્યો

અમદાવાદ શહેરના કોટ વિસ્તારના રિલીફ રોડ અને મિરઝાપુર વિસ્તારમાં ભાડાની ગાડી ગીરવે મૂકીને નાણાં મેળવવાના કથિત કિસ્સાએ ચકચાર જગાવી છે. ભોગ બનનાર વ્યક્તિએ The Detective Newsનો સંપર્ક કરીને પોતાની આપવીતી રજૂ કરી હોવાનો દાવો કર્યો છે. રજૂ થયેલી વિગતો અનુસાર, ચાંદખેડાથી ભાડે લેવામાં આવેલી Toyota Glanza ગાડી ગીરવે મૂકીને તેની સામે રૂપિયા 2 લાખ મેળવવામાં આવ્યા હતા.

જોકે, આ ગાડી ભાડાની હતી અને તેમાં GPS સિસ્ટમ લગાવેલી હોવાથી બાદમાં ગાડી ઉપાડી લેવામાં આવી હોવાનો દાવો કરવામાં આવ્યો છે. આ કિસ્સામાં અનેક વ્યક્તિઓનાં નામ ચર્ચામાં આવ્યાં છે, પરંતુ પોલીસ તપાસ થાય તો જ હકીકત બહાર આવશે. સત્તાવાર તપાસ પૂર્ણ થાય ત્યાં સુધી આ મામલો કથિત છે.