સુરતમાં વંદે ભારત ટ્રેન પર પથ્થરમારા, RPF પોલીસે ત્રણ ઈસમોની ધરપકડ

સુરતમાં વંદે ભારત ટ્રેન પર પથ્થરમારાના કેસમાં રેલવે પોલીસ (RPF) દ્વારા ત્રણ ઈસમોની ધરપકડ કરવામાં આવી છે. આ ઘટનાની તપાસમાં પોલીસે CCTV ફૂટેજનો ઉપયોગ કરીને આરોપીઓને ઓળખી કાઢ્યા છે.

ગત 19મી તારીખે સુરત યાર્ડ નજીક ઉદયપુરથી સુરત આવતી ટ્રેન પર પથ્થરમારો થયો હતો. આ હુમલામાં ટ્રેનના કોચની બારીના કાચ તૂટી ગયા હતા, જેથી રેલવે સંપત્તિને નુકસાન પહોંચ્યું હતું.

પોલીસે CCTV ફૂટેજના આધારે આ ઘટનામાં સામેલ આરોપીઓને ઝડપી પાડ્યા છે. રેલવે સંપત્તિને નુકસાન પહોંચાડતી આવી ઘટનાઓ સામે કડક કાર્યવાહી હાથ ધરવામાં આવી રહી છે.