🔥 TRENDING મોરબીમાં ડમ્પર હિટ-એન્ડ-રનથી પિતા-પુત્... करौली में अंजनी मां के वार्षिक देवउठनी... Low Pressure Over Bay of Bengal May Tr... MP Sanjay Raut Calls for Nagpur to Be... Aries Horoscope 21 Nov 2026: Moon Ente... Bihar: CO Nujhat and Husband Accused o...
21 Nov 2026•
ગુજરાતી मराठी ਪੰਜਾਬੀ বাংলা
Crime

અમરેલીમાં ખેડૂત ખેતરોમાં સીમચોરીમાં વધારો, તસ્કરો કપાસ, સોલાર પેનલ અને અન્ય કિંમતી સાધનોની ચોરી

✍️ Reporter: Rangpara Shaileshbhai 🗓 21 Nov 2026, 07:57 AM 👁 12
Share: 💬 WhatsApp 📘 Facebook 𝕏 Post

અમરેલી જિલ્લામાં તાજેતરમાં ખેતરોમાં સીમચોરીમાં નોંધપાત્ર વધારો થયો છે, જેના કારણે ખેડૂતોમાં ભારે ચિંતા અને નુકસાન થયું છે.

અમરેલી જિલ્લામાં છેલ્લા કેટલાક સમયથી ચોરીના બનાવોમાં ચિંતાજનક વધારો થયો છે. મંદિરો અને રહેણાંક મકાનોને નિશાન બનાવ્યા બાદ હવે તસ્કરો ખેતરો તરફ વળ્યા છે, જેના કારણે ખેડૂતોમાં ભારે ફફડાટ ફેલાયો છે.

પ્રાપ્ત વિગતો મુજબ કપાસ, સોલાર પેનલ, મોટર, કેબલ, પાઈપલાઈન અને અન્ય કિંમતી સાધનોની ચોરી થઈ રહી છે. રાત્રિના સમયે ખેતરમાં કોઈ હાજર ન હોય ત્યારે તસ્કરો ટોળકી બનાવીને આવીને માલસામાન ઉઠાવી જાય છે. કેટલાક વિસ્તારોમાં મંદિરોમાંથી પણ દાનપેટી અને ઘંટ જેવી વસ્તુઓની ચોરી થયેલી છે.

ખેડૂતોનું કહેવું છે કે આખા વર્ષની મહેનત બાદ તૈયાર થયેલો પાક ખેતરમાં હોય ત્યારે જ ચોરી થઈ જાય છે, જેથી તેમને મોટું નુકસાન ભોગવવું પડે છે. ‘રાત્રે ખેતરમાં સૂવું કે ઘરે રહેવું?’ એવી સ્થિતિ સર્જાઈ છે, અને અનેક ખેડૂતોએ પોતાના ખર્ચે ખેતરમાં CCTV અને લાઈટની વ્યવસ્થા કરવી પડી રહી છે.

ખેડૂતો અને ગ્રામજનો દ્વારા રાત્રિના સમયે પોલીસનું નિયમિત પેટ્રોલિંગ વધારવા, તસ્કર ટોળકીને ઝડપી પાડવા અને ચોરીના બનાવો રોકવા માટે કડક કાર્યવાહી કરવાની માંગ કરવામાં આવી રહી છે. હાલ પોલીસ તંત્ર દ્વારા પણ કેટલાક વિસ્તારોમાં પેટ્રોલિંગ વધારવામાં આવ્યું હોવાનું જાણવા મળ્યું છે.

આમ છતાં સીમચોરીના બનાવો અટકવાનું નામ નથી લેતા, જેના કારણે ગ્રામ્ય વિસ્તારોમાં ભયનો માહોલ છે.
📲Get App