🔥 ट्रेंडिंग मुकाबले में MK स्टालिन को हराने वाले त... पूर्व हज़ारिबाग सांसद का 90 वर्ष में न... भोपाल में नया ‘खेल गांव’ – हॉकी और विर... मध्य प्रदेश सरकार ने पेश किया 4.38 लाख... अजमेर में पंचायती चुनाव की मतगणना से ए... तिलहर में सपा के PDA कार्यकर्ता सम्मेल...
19 नव. 2026•
ગુજરાતી मराठी ਪੰਜਾਬੀ বাংলা
स्थानीय

ರೈತರ ರಸ್ತೆ ತಡೆ ಚಳುವಳಿ: ಭಾಲ್ಕಿ ತಾಲ್ಲೂಕಿನಲ್ಲಿ ಮುಖಂಡರು ಬಂಧಿತರಾದರು

✍️ रिपोर्टर: Basavaraj pujari 🗓 19 नव. 2026, 07:11 PM 👁 26
शेयर करें: 💬 WhatsApp 📘 Facebook 𝕏 Post

ಭಾಲ್ಕಿ ತಾಲ್ಲೂಕಿನ ಅಳಂದಿ ಗ್ರಾಮದ ಸಮೀಪ ಡೋಣಗಾಪುರ ಕ್ರಾಸ್‌ನಲ್ಲಿ ರೈತರ ರಸ್ತೆ ತಡೆ ಚಳುವಳಿಯಲ್ಲಿ, ಕರ್ನಾಟಕ ರಾಜ್ಯ ರೈತ ಸಂಘದ ಮುಖಂಡರು ಮತ್ತು ಕಾರ್ಯಕರ್ತರನ್ನು ಪೊಲೀಸರು ಬಂಧಿಸಿದರು.

ಭಾಲ್ಕಿ ತಾಲ್ಲೂಕಿನ ಅಳಂದಿ ಗ್ರಾಮದ ಸಮೀಪದ ಡೋಣಗಾಪುರ ಕ್ರಾಸ್‌ನಲ್ಲಿ ಹೆದ್ದಾರಿಯಲ್ಲಿ ರೈತರ ರಸ್ತೆ ತಡೆ ಚಳುವಳಿ ನಡೆಯಿತು. ಈ ಚಳುವಳಿಯಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘದ ಮುಖಂಡರು ಹಾಗೂ ಕಾರ್ಯಕರ್ತರು ಭಾಗವಹಿಸಿದರು.

ಚಳುವಳಿಯ ಸಮಯದಲ್ಲಿ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ರೈತ ಸಂಘದ ಮುಖಂಡರು ಮತ್ತು ಕಾರ್ಯಕರ್ತರನ್ನು ವಶಕ್ಕೆ ಪಡೆದು ಸಂತಪುರ ಪೊಲೀಸ್ ಠಾಣೆಗೆ ಕರೆದೊಯ್ದು ಬಂಧಿಸಿದರು.

ರೈತರ ಸಮಸ್ಯೆಗಳಿಗೆ ಸರ್ಕಾರ ತಕ್ಷಣ ಸ್ಪಂದಿಸಿ ನ್ಯಾಯಯುತ ಬೇಡಿಕೆಗಳನ್ನು ಈಡೇರಿಸಬೇಕು ಎಂದು ಕರ್ನಾಟಕ ರಾಜ್ಯ ರೈತ ಸಂಘದ ಮುಖಂಡರು ಆಗ್ರಹಿಸಿದರು. ರೈತರ ಧ್ವನಿಯನ್ನು ಹತ್ತಿಕ್ಕುವ ಪ್ರಯತ್ನ ಮಾಡದೆ, ಅವರ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಕಲ್ಪಿಸಬೇಕು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಸರ್ವೋದಯ ಕರ್ನಾಟಕ ಪಕ್ಷ ಹಾಗೂ ಕರ್ನಾಟಕ ರಾಜ್ಯ ರೈತ ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವಾನಂದ ಸೋಮಯ್ಯ ಸ್ವಾಮೀಜಿ, ರೈತ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಜಗದೀಶ ಕನ್ನಾಳೆ (ಭಾಲ್ಕಿ ತಾಲೂಕು), ಅಮೃತ ಪಾಟೀಲ್, ಸಂಗಶೆಟ್ಟಿ ದಾನಾ, ಹನುಮಂತ, ಸುನಿಲ್, ಬಸವರಾಜ್, ಮಲ್ಲಿಕಾರ್ಜುನ, ಶಿವರಾಜ್, ವಿಲಾಸ, ಪರಮೇಶ, ಚಾಂದ್ ಸಾಬ್, ಸಂತೋಷ್ ಸೇರಿದಂತೆ ಹಲವರು ಇದ್ದರು.

ಬೇಡಿಕೆಗಳು ಈಡೇರುವವರೆಗೆ ಹೋರಾಟ ನಿರಂತರವಾಗಿ ಮುಂದುವರಿಯಲಿದೆ ಎಂದು ಕರ್ನಾಟಕ ರಾಜ್ಯ ರೈತ ಸಂಘದ ಮುಖಂಡರು ಹೇಳಿದರು.
📲Get App