🔥 TRENDING बारुआ बाग में स्थित श्याम मन्दिर का उद... Madhya Pradesh Unearths 75‑cm Prehisto... Madhya Pradesh Drops Ban on Government... West Bengal Minister Criticises Rahul... West Bengal Announces Rs 51,000 Monthl... West Bengal Government to Probe Kolkat...
18 Nov 2026•
ગુજરાતી मराठी ਪੰਜਾਬੀ বাংলা
Entertainment

'ਬਿੱਗ ਬੌਸ' ਦੇ ਘਰ 'ਚ ਫੁੱਟ-ਫੁੱਟ ਰੋਏ ਮਨੀਸ਼ ਗੋਇਲ, ਕਾਜ਼ੀ 'ਤੇ ਲਾਇਆ ਜਾਣਬੁੱਝ ਕੇ ਪੁਰਾਣੇ ਜ਼ਖ਼ਮ ਕੁਰੇਦਣ ਦਾ ਇਲਜ਼ਾ

✍️ Reporter: Shamsher Singh 🗓 18 Nov 2026, 03:43 PM 👁 19
Share: 💬 WhatsApp 📘 Facebook 𝕏 Post

'ਬਿੱਗ ਬੌਸ' ਦੇ ਘਰ 'ਚ ਫੁੱਟ-ਫੁੱਟ ਰੋਏ ਮਨੀਸ਼ ਗੋਇਲ, ਕਾਜ਼ੀ 'ਤੇ ਲਾਇਆ ਜਾਣਬੁੱਝ ਕੇ ਪੁਰਾਣੇ ਜ਼ਖ਼ਮ ਕੁਰੇਦਣ ਦਾ ਇਲਜ਼ਾ

'ਬਿੱਗ ਬੌਸ' ਦੇ ਘਰ 'ਚ ਫੁੱਟ-ਫੁੱਟ ਰੋਏ ਮਨੀਸ਼ ਗੋਇਲ, ਕਾਜ਼ੀ 'ਤੇ ਲਾਇਆ ਜਾਣਬੁੱਝ ਕੇ ਪੁਰਾਣੇ ਜ਼ਖ਼ਮ ਕੁਰੇਦਣ ਦਾ ਇਲਜ਼ਾ
‎Wednesday, Nov 18, 2026 ।
‎
‎ਮੁੰਬਈ (ਏਜੰਸੀ) - 'ਬਿੱਗ ਬੌਸ' ਵਿੱਚ ਇੱਕ ਟਾਸਕ ਦੌਰਾਨ ਮੁਕਾਬਲੇਬਾਜ਼ ਕਾਜ਼ੀ ਤੌਕੀਰ ਦੀ ਇੱਕ ਗੱਲ ਨੇ ਮਨੀਸ਼ ਗੋਇਲ ਦੇ ਸਕੂਲ ਦੇ ਦਿਨਾਂ ਦੀਆਂ ਕੁੱਝ ਉਨ੍ਹਾਂ ਦਰਦਨਾਕ ਯਾਦਾਂ ਨੂੰ ਤਾਜ਼ਾ ਕਰ ਦਿੱਤਾ, ਜਿਨ੍ਹਾਂ ਨੂੰ ਉਹ ਹਮੇਸ਼ਾ ਲਈ ਭੁੱਲਣਾ ਚਾਹੁੰਦੇ ਸਨ। ਇਸ ਦੌਰਾਨ ਅਦਾਕਾਰ ਮਨੀਸ਼ ਗੋਇਲ ਪੂਰੀ ਤਰ੍ਹਾਂ ਟੁੱਟ ਗਏ ਅਤੇ ਫੁੱਟ-ਫੁੱਟ ਰੋਣ ਲੱਗ ਪਏ। ਗੱਲਬਾਤ ਦੌਰਾਨ, ਮਨੀਸ਼ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇੱਕ ਅਜਿਹੀ ਘਟਨਾ ਯਾਦ ਆ ਗਈ ਜੋ ਉਦੋਂ ਵਾਪਰੀ ਸੀ ਜਦੋਂ ਉਹ 12 ਤੋਂ 14 ਸਾਲ ਦੇ ਸਨ। ਉਨ੍ਹਾਂ ਕਿਹਾ ਕਿ ਇਹ ਇੱਕ ਅਜਿਹੀ ਗੱਲ ਹੈ ਜਿਸਨੂੰ ਉਹ ਹਮੇਸ਼ਾ ਲਈ ਦਫ਼ਨਾ ਦੇਣਾ ਚਾਹੁੰਦੇ ਸਨ ਅਤੇ ਕਦੇ ਵੀ ਦੁਬਾਰਾ ਯਾਦ ਨਹੀਂ ਕਰਨਾ ਚਾਹੁੰਦੇ ਸਨ।
‎
‎ਮਨੀਸ਼ ਨੇ ਕਿਹਾ, "ਇਹ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਹਨੇਰਾ ਦੌਰ ਸੀ- ਸਕੂਲ ਦੇ ਸਮੇਂ ਦਾ। ਇਹ ਇੱਕ ਅਜਿਹੀ ਚੀਜ਼ ਹੈ ਜਿਸਨੂੰ ਮੈਂ ਕਦੇ ਵੀ ਦੁਬਾਰਾ ਖੁਰੇਦਣਾ ਨਹੀਂ ਚਾਹੁੰਦਾ।" ਉਨ੍ਹਾਂ ਨੇ ਅੱਗੇ ਕਨਿਕਾ ਮਾਨ, ਗੁੱਲੂ ਅਤੇ ਲਵ ਗਿੱਲ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਕਾਜ਼ੀ ਨੇ ਜਾਣ-ਬੁੱਝ ਕੇ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਦੇ ਇੱਕ ਅਜਿਹੇ ਪਹਿਲੂ ਨੂੰ ਛੇੜਿਆ ਜਿਸ ਨਾਲ ਉਹ ਬਹੁਤ ਪ੍ਰਭਾਵਿਤ ਹੋਏ। ਉਨ੍ਹਾਂ ਕਿਹਾ, "ਅੱਜ ਮੈਨੂੰ ਅਹਿਸਾਸ ਹੋਇਆ ਕਿ ਉਨ੍ਹਾਂ ਨੇ ਇਸਨੂੰ ਇੱਕ 'ਟ੍ਰਿਗਰ' ਵਜੋਂ ਵਰਤਿਆ। ਇਹ ਮੇਰੀ ਗਲਤੀ ਸੀ; ਮੈਨੂੰ ਇੰਨਾ ਪ੍ਰਭਾਵਿਤ ਨਹੀਂ ਹੋਣਾ ਚਾਹੀਦਾ ਸੀ। ਉਨ੍ਹਾਂ ਨੂੰ ਇਸ ਤੋਂ ਜੋ ਚਾਹੀਦਾ ਸੀ, ਉਹ ਮਿਲ ਗਿਆ।"
‎ਗੱਲਬਾਤ ਉਦੋਂ ਹੋਰ ਵੀ ਭਾਵੁਕ ਹੋ ਗਈ ਜਦੋਂ ਮਨੀਸ਼ ਨੇ ਅੱਠਵੀਂ, ਨੌਵੀਂ ਅਤੇ ਦਸਵੀਂ ਜਮਾਤ ਦੌਰਾਨ ਵਾਪਰੀ ਇੱਕ ਘਟਨਾ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਅਤੇ ਪੂਨਮ ਨੂੰ ਪਤਾ ਹੈ ਕਿ ਉਹ ਕਿਹੜੇ ਹਾਲਾਤਾਂ ਵਿੱਚੋਂ ਲੰਘੇ ਸਨ, ਪਰ ਉਨ੍ਹਾਂ ਕਿਹਾ ਕਿ ਉਹ ਆਮ ਤੌਰ 'ਤੇ ਇਸ ਬਾਰੇ ਸੋਚਣ ਤੋਂ ਬਚਦੇ ਹਨ। ਉਨ੍ਹਾਂ ਕਿਹਾ, "ਮੈਂ ਉਦੋਂ ਸਿਰਫ਼ 12, 13 ਜਾਂ ਸ਼ਾਇਦ 14 ਸਾਲ ਦਾ ਸੀ। ਕੁਝ ਚੀਜ਼ਾਂ ਅਜਿਹੀਆਂ ਹੁੰਦੀਆਂ ਹਨ ਜਿਨ੍ਹਾਂ ਨੂੰ ਤੁਸੀਂ ਹਮੇਸ਼ਾ ਲਈ ਦਫ਼ਨਾ ਦਿੰਦੇ ਹੋ। ਇਹ ਬਹੁਤ ਹਨੇਰਾ ਪੱਖ ਹੈ। ਮੈਂ ਕੋਸ਼ਿਸ਼ ਕਰਦਾ ਹਾਂ ਕਿ ਇਸ ਬਾਰੇ ਬਿਲਕੁਲ ਵੀ ਨਾ ਸੋਚਾਂ।" ਜਦੋਂ ਉਨ੍ਹਾਂ ਨੂੰ ਉਸ ਸਮੇਂ ਦੌਰਾਨ ਵਾਪਰੀ ਘਟਨਾ ਬਾਰੇ ਸੰਖੇਪ ਵਿੱਚ ਦੱਸਣ ਲਈ ਕਿਹਾ ਗਿਆ, ਤਾਂ ਮਨੀਸ਼ ਬਹੁਤ ਭਾਵੁਕ ਹੋ ਗਏ ਅਤੇ ਬੋਲੇ: "ਸਿਰਫ਼ ਇੱਕ ਸ਼ਬਦ ਵਿੱਚ ਕਹਾਂ ਤਾਂ, ਮੈਂ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।" ਇਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਦਰਦਨਾਕ ਯਾਦ ਬਾਰੇ ਗੱਲਬਾਤ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ, ਇਹ ਸਪੱਸ਼ਟ ਕਰਦੇ ਹੋਏ ਕਿ ਉਨ੍ਹਾਂ ਲਈ ਆਪਣੀ ਜ਼ਿੰਦਗੀ ਦੇ ਉਸ ਅਧਿਆਇ ਨੂੰ ਦੁਬਾਰਾ ਯਾਦ ਕਰਨਾ ਬਹੁਤ ਮੁਸ਼ਕਲ ਹੈ।
📲Get App