🔥 ट्रेंडिंग एक परिवार है जो पंचरुखी गांव में है वह... ଦିଗ ବଦଳାଉଛି ବାତ୍ୟା, ଓଡ଼ିଶା ଦେଇ ଅତିକ୍ରମ... തൃശൂർ കോർപ്പറേഷൻ ഓഫീസിനു മുന്നിൽ "വോട്... ଶୀତ ଅଧିବେଶନ ଆରମ୍ଭ, ବାତ୍ୟା "ଅର୍ଣ୍ଣବ"ଜନି... ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ କରିବ ବାତ୍ୟା,... मणिपुर में एलपीजी गैस लीक से हुई आग मे...
18 नव. 2026•
ગુજરાતી मराठी ਪੰਜਾਬੀ বাংলা
स्थानीय

ରାଜଧାନୀରେ ଚାଞ୍ଚଲ୍ୟ: ପ୍ରେମିକ ସାମ୍ନାରେ ପ୍ରେମିକାଙ୍କ ଆତ୍ମଦାହ ଉଦ୍ୟମ

✍️ रिपोर्टर: Deepak Mahapatra 🗓 18 नव. 2026, 02:24 PM 👁 30
शेयर करें: 💬 WhatsApp 📘 Facebook 𝕏 Post
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ରାତି ଅଧରେ ଚାଞ୍ଚଲ୍ୟକର ଘଟଣା ଘଟିଯାଇଛି । ଜଣେ ଯୁବତୀ ନିଜ ପ୍ରେମିକ ସାମ୍ନାରେ ନିଜକୁ ଜାଳି ଦେଇଛନ୍ତି । ଇନଫୋସିଟି ଥାନା ଅଧୀନସ୍ଥ ପଥରଗାଡ଼ିଆ ଅଞ୍ଚଳରେ ଏଭଳି ଚାଞ୍ଚଲ୍ୟକର ଘଟଣା ଘଟିଛି । ଯୁବତୀ ଜଣଙ୍କୁ ଗୁରୁତର ଅବସ୍ଥାରେ ଭୁବନେଶ୍ୱର ଏମ୍ସରେ ଭର୍ତ୍ତି କରାଯାଇଛି । ତାଙ୍କ ଶରୀରର ପ୍ରାୟ ୯୦ ପ୍ରତିଶତ ଅଂଶ ପୋଡ଼ି ଯାଇଛି। ପୋଲିସ ଉକ୍ତ ଯୁବକଙ୍କୁ ଅଟକ ରଖିଛି ।

ସୂଚନା ମୁତାବକ, ଯୁବତୀ ଜଣକ ନୂଆପଲ୍ଲୀ ଥାନା ଅଞ୍ଚଳରେ ଏକ ନର୍ସିଂ ଇନଷ୍ଟିଚ୍ୟୁଟର କମ୍ପ୍ୟୁଟର ଅପରେଟର ଭାବେ କାର୍ଯ୍ୟ କରୁଥିଲେ। ଯୁବକ ଜଣକ ଅନୁଗୋଳର ବାସିନ୍ଦା ଅଟନ୍ତି । ଯୁବକ ଓ ଯୁବତୀଙ୍କ ମଧ୍ୟରେ ପୂର୍ବରୁ ପ୍ରେମ ସମ୍ପର୍କ ରହିଥିଲା । ମାତ୍ର କିଛି ମାସ ତଳେ ଉଭୟ ସମ୍ପର୍କରେ ଫାଟ ସୃଷ୍ଟି ହୋଇଥିଲା ଏବଂ ପରସ୍ପରଠାରୁ ଅଲଗା ହୋଯାଇଥିଲେ । ମଙ୍ଗଳବାର ରାତିରେ ସେମାନେ ପଥରଗାଡ଼ିଆରେ ଥିବା ଏକ କାଫେରେ ଦେଖା ହୋଇଥିଲେ । ରାତି ପ୍ରାୟ ସାଢ଼େ ୯ଟା ବେଳେ ଉଭୟଙ୍କ ମଧ୍ୟରେ ବଚସା ହୋଇଥିଲା । ପରେ ଯୁବତୀ ଜଣଙ୍କ କାଫେ ବାହାରକୁ ଆସି ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ।

ସେଠାରେ ଉପସ୍ଥିତ ଲୋକେ ତାଙ୍କୁ ଉଦ୍ଧାର କରିବା ସହିତ ପୋଲିସକୁ ଖବର ଦେଇଥିଲେ । ପୋଲିସ ଯୁବତୀଙ୍କୁ ଉଦ୍ଧାର କରି ପ୍ରଥମେ କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରିଥିଲା । ପରେ ଏମସକୁ ସ୍ଥାନାନ୍ତର କରାଯାଇଛି। ସେଠାରେ ବର୍ଣ୍ଣ ୟୁନିଟରେ ଚିକିତ୍ସା ଚାଲିଛି । ତାଙ୍କ ଶରୀର ପ୍ରାୟ ୯୦ ପ୍ରତିଶତ ଅଂଶ ପୋଡ଼ି ଯାଇଥିବା ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି ।

ସ୍ଥାନୀୟ ଲୋକେ ଉକ୍ତ ଯୁବକଙ୍କୁ ଅଟକ ରଖି ପୋଲିସ ଜିମା ଦେଇଛନ୍ତି । ପୋଲିସ ଯୁବକଙ୍କୁ ପଚରାଉଚରା କରୁଛି । କାହିଁକି ଯୁବତୀ ଜଣକ ଏଭଳି ନିଷ୍ପତ୍ତି ନେଲେ ସେ ନେଇ ଯାଞ୍ଚ ଚାଲିଥିବା ଭୁବନେଶ୍ୱର ଡିସିପି ଶ୍ରବଣା ବିବେକ୍ ଏମ୍ କହିଛନ୍ତି ।
📲Get App