🔥 TRENDING Nagaland Governor Yadav joins Chhath P... Gate.io Releases Detailed Update on In... అమ్మవారి ఆలయ పాఠశాలలో వరద నీరు చేరి తర... Nagaland’s Health Budget Slashes 29% a... Business rivalry suspected in Chalai g... Youth duped of Rs 14 lakh in Jalandhar...
16 Nov 2026•
ગુજરાતી मराठी ਪੰਜਾਬੀ বাংলা
National

ଆଜି ସାରା ଦେଶରେ ପାଳନ ହେଉଛି ଜାତୀୟ ପ୍ରେସ୍ ଦିବସ: ସାମ୍ବାଦିକତାର ସ୍ୱାଧୀନତା ଓ ଦାୟିତ୍ୱକୁ ମନେ ପକାଏ ଏହି ଦିନ

✍️ Reporter: Deepak Mahapatra 🗓 16 Nov 2026, 11:57 AM 👁 23
Share: 💬 WhatsApp 📘 Facebook 𝕏 Post
ଭୁବନେଶ୍ୱର: ଆଜି ନଭେମ୍ବର ୧୬। ସାରା ଦେଶରେ ପାଳନ ହେଉଛି ଜାତୀୟ ପ୍ରେସ୍ ଦିବସ। ଗଣମାଧ୍ୟମର ସ୍ୱାଧୀନତା, ନିରପେକ୍ଷତା ଓ ସାମାଜିକ ଦାୟିତ୍ୱବୋଧର ପ୍ରତୀକ ହେଉଛି ଏହି ଦିନ। ଗଣତନ୍ତ୍ରର ଚତୁର୍ଥ ସ୍ତମ୍ଭ ଭାବେ ପରିଚିତ ଗଣମାଧ୍ୟମର ଭୂମିକା ଓ ଗୁରୁତ୍ୱକୁ ମନେ ପକାଇବା ପାଇଁ ପ୍ରତିବର୍ଷ ଏହି ଦିବସ ପାଳନ କରାଯାଏ।

୧୬ ନଭେମ୍ବର ୧୯୬୬ରେ ଭାରତୀୟ ପ୍ରେସ୍ କାଉନସିଲ୍ (Press Council of India) ଆଇନଗତ ଭାବେ କାର୍ଯ୍ୟ ଆରମ୍ଭ କରିଥିଲା। ଏହି ଦିନକୁ ସ୍ମରଣୀୟ କରିବା ପାଇଁ ନଭେମ୍ବର ୧୬କୁ ଜାତୀୟ ପ୍ରେସ୍ ଦିବସ ଭାବେ ପାଳନ କରାଯାଉଛି।

ସୂଚନା ଅନୁଯାୟୀ, ଭାରତରେ ସାମ୍ବାଦିକତାର ସ୍ୱାଧୀନତାକୁ ସୁରକ୍ଷା ଦେବା ଏବଂ ସମ୍ବାଦ ପରିବେଷଣରେ ଉଚ୍ଚ ମାନଦଣ୍ଡ ବଜାୟ ରଖିବା ଲକ୍ଷ୍ୟରେ ପ୍ରଥମ ପ୍ରେସ୍ କମିଶନ ପ୍ରେସ୍ କାଉନସିଲ୍ ଗଠନ ପାଇଁ ସୁପାରିସ କରିଥିଲେ। ଏହାପରେ ୪ ଜୁଲାଇ ୧୯୬୬ରେ ଭାରତରେ ପ୍ରେସ୍ କାଉନସିଲ୍ ପ୍ରତିଷ୍ଠା ହୋଇଥିଲା।

ଗଣମାଧ୍ୟମ କେବଳ ଖବର ପରିବେଷଣର ମାଧ୍ୟମ ନୁହେଁ, ବରଂ ଜନସାଧାରଣଙ୍କ ସ୍ୱରକୁ ଶାସନ ବ୍ୟବସ୍ଥା ପାଖରେ ପହଞ୍ଚାଇବାର ଏକ ଶକ୍ତିଶାଳୀ ମାଧ୍ୟମ। ଅନ୍ୟାୟ, ଦୁର୍ନୀତି ଓ ସାମାଜିକ ଅସଙ୍ଗତି ବିରୋଧରେ ସ୍ୱର ଉଠାଇବା ସହ ଲୋକଙ୍କୁ ସଚେତନ କରିବାରେ ସାମ୍ବାଦିକଙ୍କ ଭୂମିକା ଅତୁଳନୀୟ।

ତେବେ ଆଜିର ଡିଜିଟାଲ ଯୁଗରେ ମିଥ୍ୟା ଖବର ଓ ଅପପ୍ରଚାର ମଧ୍ୟରେ ସତ୍ୟ, ନିରପେକ୍ଷ ଓ ଦାୟିତ୍ୱପୂର୍ଣ୍ଣ ସାମ୍ବାଦିକତାର ଆବଶ୍ୟକତା ଆହୁରି ବଢ଼ିଛି। ତେଣୁ ଜାତୀୟ ପ୍ରେସ୍ ଦିବସ କେବଳ ଏକ ଉତ୍ସବ ନୁହେଁ, ବରଂ ସତ୍ୟ ଓ ନ୍ୟାୟ ପାଇଁ କଲମ ଧରୁଥିବା ପ୍ରତ୍ୟେକ ସାମ୍ବାଦିକଙ୍କ କର୍ତ୍ତବ୍ୟ ଓ ଦାୟିତ୍ୱକୁ ମନେ ପକାଇବାର ଏକ ଅବସର।
📲Get App