🔥 TRENDING *खैरथल में 19 नवंबर को भजन संध्या एवं... Massive Fire Rips Through Jalandhar Ma... 11 Killed in Massive Resort Fire on Th... Soni Razdan Confesses to Smoking 100 C... Shanaya Kapoor Shares How She Copied w... Ludhiana Launches Digital Census, Mayo...
16 Nov 2026•
ગુજરાતી मराठी ਪੰਜਾਬੀ বাংলা
Local

ନିଖୋଜ ପୁଅର ଗଳିତ ମୃତ ଦେହ ଉଦ୍ଧାର, ମୁଣ୍ଡ ପିଟି କାନ୍ଦୁଛି ପରିବାର

✍️ Reporter: Deepak Mahapatra 🗓 16 Nov 2026, 11:43 AM 👁 22
Share: 💬 WhatsApp 📘 Facebook 𝕏 Post
ଭଦ୍ରକ: ଭଦ୍ରକ ଜିଲ୍ଲା ଚାନ୍ଦବାଲି ଥାନା ଅନ୍ତର୍ଗତ ମହୁଲିଆ ପଞ୍ଚାୟତ ନିଶ୍ଚିନ୍ତା ଜେନା ସାହିରେ ଏକ ଅଭାବନୀୟ ଘଟଣା ଘଟିଯାଇଛି । ଗତ ଚାରି ଦିନ ହେବା ନିଖୋଜ ଥିବା ପୁଅର ଗଳିତ ମୃତ ଦେହ ଏକ କୂଅରୁ ଉଦ୍ଧାର କରାଯାଇଛି । ମୃତକ ହେଲେ ଗ୍ରାମର ସୁବାଷ ସାହୁଙ୍କ ସାନପୁଅ ପବିତ୍ର ସାହୁ । ଭେଣ୍ଡିଆ ପୁଅର ମୃତ ଦେହକୁ ଦେଖି ମୁଣ୍ଡ ପିଟି ପିଟି କାନ୍ଦୁଛନ୍ତି ବାପା ମାଆ ।

ଖବର ଅନୁଯାୟୀ, ୧୨ ତାରିଖ ରାତିରେ ପବିତ୍ର ବାପାଙ୍କ ସହିତ ଚାନ୍ଦବାଲି କାଳୀପୂଜା ଦେଖିବାକୁ ଯାଇଥିଲେ। ଚାନ୍ଦବାଲିରୁ ରାତିରେ ଫେରିବା ପରେ ଖାଇ ପିଇ ଶୋଇଥିଲେ । ସକାଳୁ ପରିବାର ଲୋକେ ଉଠିବା ପରେ ଘରେ ପୁଅ ନ ଥିଲା । କେଉଁ ଆଡ଼େ ଯାଇଥିବା ଭାବି ଖୋଜା ଖୋଜି କରିଥିଲେ । କିନ୍ତୁ ଦିନ ଗଡ଼ିବା ପରେ ପବିତ୍ରଙ୍କର କୌଣସି ସନ୍ଧାନ ମିଳିନଥିଲା ।

ପରିବାର ପକ୍ଷରୁ ଚାନ୍ଦବାଲି ଥାନାରେ ଏକ ନିଖୋଜ ଅଭିଯୋଗ ମଧ୍ୟ କରାଯାଇଥିଲା । ପୋଲିସ ମଧ୍ୟ ଖୋଜାଖୋଜି ଜାରି ରଖିଥିଲା । ତେବେ ଆଜି ସୁବାଷଙ୍କ ଘର ପଛ ପଟେ ଥିବା କୂଅରୁ ଦୁର୍ଗନ୍ଧ ବାହାରିବାରୁ ସନ୍ଦେହ ହୋଇଥିଲା । ପରେ କୂଅ ଭିତରେ ଜଣଙ୍କ ମୃତ ଦେହ ଭାସୁଥିବାର ଦେଖିଥିଲେ । ଖବର ପାଇ ଚାନ୍ଦବାଲି ଅଗ୍ନିଶମ ବିଭାଗ ଟିମ୍ ଘଟଣା ସ୍ଥଳରେ ପହଁଚି ପବିତ୍ରଙ୍କ ଗଳିତ ମୃତ ଦେହକୁ କୂଅ ଭିତରୁ ଉଦ୍ଧାର କରିଛି ।

ପବିତ୍ର କେମିତି କୂଅରେ ପଡ଼ିଲେ ତାହା ବଡ଼ ପ୍ରଶ୍ନବାଚୀ ସୃଷ୍ଟି କରିଛି । ପବିତ୍ର ଆତ୍ମହତ୍ୟା କରିଛନ୍ତି ନାଁ ଏହା ଏକ ହତ୍ୟା କାଣ୍ଡ କିମ୍ବା ଦୁର୍ଘଟଣା ସେ ନେଇ କିଛି ସ୍ପଷ୍ଟ ହୋଇ ପାରିନାହିଁ । ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦେଇଥିବାବେଳେ ପରିବାର ସଦସ୍ୟକୁ ପଚରାଉଚରା ଜାରି ରଖିଛି । ପୋଲିସ ତଦନ୍ତ ପରେ ଘଟଣା ଉପରୁ ପରଦା ଉଠିବ ବୋଲି ଆଶା କରାଯାଉଛି ।
📲Get App