ભવ્ય ક્ષત્રિય ઠાકોર સમાજ સ્નેહમિલનમાં રાજકીય દિગ્ગજ નેતાઓએ એકતા અને વિકાસનો સંદેશ આપ્યો

ગુજરાત ક્ષત્રિય ઠાકોર સેના તથા સમસ્ત ઠાકોર સમાજ (વાવ, થરાદ, દિયોદર, લાખણી, ભીલડી, બનાસકાંઠા જિલ્લો) દ્વારા આયોજિત ભવ્ય ક્ષત્રિય ઠાકોર સમાજ સ્નેહમિલન સમારોહ યોજાયો. આ કાર્યક્રમમાં સમાજની એકતા અને વિકાસને પ્રોત્સાહિત કરવા વિવિધ ચર્ચાઓનું આયોજન કરવામાં આવ્યું.

કાર્યક્રમમાં અલ્પેશભાઈ ઠાકોરની વિશેષ ઉપસ્થિતિ હતી. તેમની સાથે ભારતિય જનતા પાર્ટી અને કોંગ્રેસના દિગ્ગજ નેતાઓ તેમજ ઠાકોર સમાજના સામાજિક અને રાજકીય આગેવાનો એક જ મંચ પર ઉપસ્થિત રહ્યા.

સમારોહમાં સમાજની એકતા, શિક્ષણનો વ્યાપ, સામાજિક સમરસતા, કુરિવાજોની નાબૂદી અને યુવાનોની રાજકીય ભાગીદારી જેવા મુખ્ય વિષયો પર ચર્ચા થઈ. વિવિધ પક્ષોના નેતાઓએ આ મુદ્દાઓને સમુદાયની પ્રગતિ માટે મહત્વપૂર્ણ ગણાવી ચર્ચા કરી.

મુખ્ય સંદેશ એ હતો કે રાજકીય પક્ષો અલગ હોવા છતાં, સમાજના વિકાસ અને એકતાના મંચ પર સૌ કોઈ સાથે મળીને કામ કરે. આ સ્નેહમિલન સમારોહમાં સમુદાયની સહયોગી ભાવનાને મજબૂત બનાવવા માટેની પ્રતિબદ્ધતા સ્પષ્ટ થઈ.