ગુંદરણમાં કેરી પીકઅપ અને બાઈક અથડામણમાં બાઈકચાલક પ્રિન્સ રૂપેશભાઈ ગોહિલનું મૃત્યુ

લીલીયા તાલુકાના ગુંદરણ ગામ નજીક કેરી પીકઅપ અને બાઈક વચ્ચે ગમખ્વાર અકસ્માત સર્જાયો

અકસ્માતમાં બાઈકચાલક પ્રિન્સ રૂપેશભાઈ ગોહિલનું ઘટનાસ્થળે જ કરુણ મોત થયું. બાઈક પર સવાર 20 વર્ષીય અમિત પરમાર ગંભીર રીતે ઈજાગ્રસ્ત થયા.

ઈજાગ્રસ્ત અમિત પરમારને પ્રથમ લીલીયા સિવિલ હોસ્પિટલ ખસેડાયા અને પ્રાથમિક સારવાર બાદ વધુ સારવાર માટે અમરેલી હોસ્પિટલમાં રિફર કરવામાં આવ્યા.

આ દુર્ભાગ્યપૂર્ણ ઘટનાએ ગુંદરણ ગામમાં અરેરાટી ઊભી કરી અને યુવકના પરિવારમાં શોકનો માહોલ સર્જાયો.