સાબરકાંઠાના ઈડરમાં ત્રણ દીપડા એકસાથે દેખાયા, ગ્રામજનોમાં ફફડાટ..

સાબરકાંઠાના-:
ઈડર તાલુકાના સુરપુર અને બરવાવ ગામની સીમમાં રાત્રિ દરમિયાન દીપડાઓ દેખાયાના સમાચાર સામે આવ્યા છે.આ વિસ્તારમાં એક સાથે ત્રણ દીપડા વિહરતા જોવા મળતા સ્થાનિક લોકોમાં ભારે ફફડાટ ફેલાયો છે.નજીકના રહેણાંક વિસ્તારના લોકોને આ દીપડાઓ નજરે પડતા તેમણે આ દ્રશ્યોને પોતાના કેમેરામાં કેદ કર્યા હતા..

એકસાથે ત્રણ દીપડાઓની હાજરીને કારણે ગામના લોકોમાં ચિંતાનો માહોલ જોવા મળ્યો હતો.પોતાની અને પરિવારની સુરક્ષા માટે સ્થાનિકોએ દીપડાઓ સામે ટોર્ચ મારીને તેમને દૂર કરવાના પ્રયાસો કર્યા હતા. વન્યજીવોની આ અચાનક ઉપસ્થિતિને કારણે ગ્રામજનોમાં સાવચેતી અને ડરનો માહોલ છે.