புதுச்சேரியில் 'ஆபரேஷன் புதுவை கவசம்' மூலம் கடற்கரைச் சாலைகளில் ரோந்து தீவிரப்படுத்தல்

புதுச்சேரியில் 'ஆபரேஷன் புதுவை கவசம்' என்ற பாதுகாப்பு நடவடிக்கையின் கீழ், காவல்துறையினர் நேற்று இரவு கடற்கரைச் சாலை, சுற்றுலாத் தளங்கள் மற்றும் முக்கியச் சாலைகளில் ரோந்து பணிகளை தீவிரப்படுத்தினர்.

இந்த நடவடிக்கையை துணைக் காவல் தலைவர் டிஐஜி சத்தியசுந்தரம் ஐ.பி.எஸ். மற்றும் காவல் மூத்த கண்காணிப்பாளர்கள் கலைவாணன், நித்யா ராதாகிருஷ்ணன் ஆகியோரின் மேற்பார்வையில் மேற்கொள்ளப்பட்டது.

பொது இடங்களில் மது அருந்துவோர் மீது நடவடிக்கை, சந்தேக வாகனங்கள் சோதனை மற்றும் திடீர் வாகனத் தணிக்கைகள் நடத்தப்பட்டு வருகின்றன.

இந்த நடவடிக்கையால் நகரின் பாதுகாப்பு நிலை உயர்த்தப்பட்டு, பொது மக்களின் பாதுகாப்பு உணர்வு மேம்படுத்தப்பட்டுள்ளது.