राजनीति
ନଭେମ୍ବର ୧୬ରେ ଓଡ଼ିଶା ଆସିବେ ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ, ବିଧାୟକଙ୍କ ଓରିଏଣ୍ଟେସନ୍ କାର୍ଯ୍ୟକ୍ରମରେ ହେବେ ସାମିଲ
ଭୁବନେଶ୍ୱର: ଓଡ଼ିଶା ଗସ୍ତରେ ଆସିବେ ଦେଶର ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ। ଆସନ୍ତା ନଭେମ୍ବର ୧୬ ତାରିଖରେ ତାଙ୍କର ଏହି ଗସ୍ତ କାର୍ଯ୍ୟକ୍ରମ ରହିଛି। ଏହି ଅବସରରେ ସେ ଓଡ଼ିଶା ବିଧାନସଭା ପକ୍ଷରୁ ଆୟୋଜିତ ବିଧାୟକମାନଙ୍କ ଏକଦିବସୀୟ ଓରିଏଣ୍ଟେସନ୍ କାର୍ଯ୍ୟକ୍ରମରେ ଯୋଗଦେବେ। ଏନେଇ ସୋମବାର ବିଧାନସଭା ସମ୍ମିଳନୀ କକ୍ଷରେ ଆୟୋଜିତ ସାମ୍ବାଦିକ ସମ୍ମିଳନୀରେ ସଂସଦୀୟ ବ୍ୟାପାର ମନ୍ତ୍ରୀ ଡ. ମୁକେଶ ମହାଲିଙ୍ଗ ସୂଚନା ଦେଇଛନ୍ତି।
ଏହି କାର୍ଯ୍ୟକ୍ରମରେ ବିଧାନସଭା ବାଚସ୍ପତି ସୁରମା ପାଢ଼ୀ ଅଧ୍ୟକ୍ଷତା କରିବେ। ଦିନିକିଆ ଏହି ତାଲିମ ଶିବିରରେ ମୋଟ ତିନୋଟି ଅଧିବେଶନ ଆୟୋଜନ କରାଯିବ। ଉଦ୍ଘାଟନୀ ଅଧିବେଶନରେ ଓଡ଼ିଶାର ରାଜ୍ୟପାଳ ବ୍ରଜମୋହନ ରାମ ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ଉପସ୍ଥିତ ରହିବେ।
ବିଧାୟକଙ୍କ ଦକ୍ଷତା ବୃଦ୍ଧି ଉପରେ ଗୁରୁତ୍ୱ
ବିଧାନସଭାର କାର୍ଯ୍ୟପ୍ରଣାଳୀକୁ ଅଧିକ ସୁଦୃଢ଼ କରିବା ସହ ବିଧାୟକମାନଙ୍କ ସାଂସଦୀୟ ଦକ୍ଷତା ବଢ଼ାଇବା ଏହି କାର୍ଯ୍ୟକ୍ରମର ପ୍ରମୁଖ ଲକ୍ଷ୍ୟ। ଓଡ଼ିଶା ବିଧାନସଭାରେ ବର୍ତ୍ତମାନ ୩୫ଟି ସଂସଦୀୟ କମିଟି କାର୍ଯ୍ୟ କରୁଛି। ଏହି କମିଟିଗୁଡ଼ିକର କାର୍ଯ୍ୟକୁ କିପରି ଅଧିକ ସକ୍ରିୟ ଓ ଫଳପ୍ରଦ କରାଯାଇପାରିବ, ସେ ଦିଗରେ ଆଲୋଚନା ହେବ।
ସଂସଦୀୟ କମିଟି ବ୍ୟବସ୍ଥାକୁ ସୁଦୃଢ଼ କରିବାରେ କେରଳ ଓ ଓଡ଼ିଶାର ପଦକ୍ଷେପ ଉଲ୍ଲେଖନୀୟ ରହିଛି। ଏହି ବ୍ୟବସ୍ଥାକୁ ଆହୁରି ଦକ୍ଷ କରିବା ସହ ବିଧାୟକମାନେ ନିଜ ଦାୟିତ୍ୱକୁ କିପରି ଉତ୍ତମ ଭାବେ ନିର୍ବାହ କରିପାରିବେ, ତାହା ଉପରେ ତାଲିମ ଦିଆଯିବ।
ସରକାରୀ ଯୋଜନା ଓ ବିଭାଗୀୟ କାର୍ଯ୍ୟର ସମୀକ୍ଷା ଶିଖିବେ ବିଧାୟକ
ବିଭିନ୍ନ ସରକାରୀ ବିଭାଗର କାର୍ଯ୍ୟକାରିତା, ଯୋଜନାଗୁଡ଼ିକର ରୂପାୟନ ଏବଂ ସରକାରୀ ନିଷ୍ପତ୍ତିର ପ୍ରଭାବ ସମ୍ପର୍କରେ ବିଧାୟକମାନଙ୍କୁ ଆବଶ୍ୟକ ତଥ୍ୟ ଓ ପ୍ରଶିକ୍ଷଣ ଦିଆଯିବ। ବିଶେଷକରି କାର୍ଯ୍ୟନିର୍ବାହୀ ବିଭାଗଗୁଡ଼ିକର କାର୍ଯ୍ୟଧାରା ଉପରେ ବିଧାୟକମାନେ କିପରି ନଜର ରଖିବେ ଏବଂ ନିଜ ନିର୍ବାଚନମଣ୍ଡଳୀର ସମସ୍ୟାକୁ କିପରି ପ୍ରଭାବଶାଳୀ ଭାବେ ଉପସ୍ଥାପନ କରିବେ, ସେନେଇ ମାର୍ଗଦର୍ଶନ କରାଯିବ।
ଆଗାମୀ ବଜେଟ୍ ଅଧିବେଶନ ପାଇଁ ମିଳିବ ସ୍ୱତନ୍ତ୍ର ତାଲିମ
ଆଗାମୀ ବଜେଟ୍ ଅଧିବେଶନକୁ ଆଖି ଆଗରେ ରଖି ଏଥର ଓରିଏଣ୍ଟେସନ୍ କାର୍ଯ୍ୟକ୍ରମରେ ବଜେଟ୍ ସମ୍ପର୍କିତ ବିଷୟକୁ ବିଶେଷ ପ୍ରାଧାନ୍ୟ ଦିଆଯିବ। ବିଭିନ୍ନ ବିଭାଗକୁ କେତେ ଅର୍ଥ ଆବଣ୍ଟନ କରାଯାଉଛି, ମଞ୍ଜୁର ଅର୍ଥରୁ କେତେ ଖର୍ଚ୍ଚ ହେଉଛି ଏବଂ ଅନୁଦାନର ସଠିକ୍ ବିନିଯୋଗ ହେଉଛି କି ନାହିଁ, ସେସବୁ ବିଷୟରେ ବିଧାୟକମାନଙ୍କୁ ବୁଝାଯିବ।
ଏଥିସହ ବଜେଟ୍ ଆକଳନ, ଅର୍ଥ ବିନିଯୋଗର ସମୀକ୍ଷା ଏବଂ ବିଭାଗୀୟ କାର୍ଯ୍ୟର ମୂଲ୍ୟାଙ୍କନ କିପରି କରାଯିବ, ସେ ସମ୍ପର୍କରେ ମଧ୍ୟ ତାଲିମ ଦିଆଯିବ। ବିଧାନସଭାରେ ବିଧାୟକମାନେ ଯେପରି ତଥ୍ୟଭିତ୍ତିକ, ଯୁକ୍ତିଯୁକ୍ତ ଓ ଗଠନମୂଳକ ଆଲୋଚନା କରିପାରିବେ, ତାହା ଉପରେ ଏହି କାର୍ଯ୍ୟକ୍ରମରେ ଫୋକସ୍ ରହିବ।
ଏହି କାର୍ଯ୍ୟକ୍ରମରେ ବିଧାନସଭା ବାଚସ୍ପତି ସୁରମା ପାଢ଼ୀ ଅଧ୍ୟକ୍ଷତା କରିବେ। ଦିନିକିଆ ଏହି ତାଲିମ ଶିବିରରେ ମୋଟ ତିନୋଟି ଅଧିବେଶନ ଆୟୋଜନ କରାଯିବ। ଉଦ୍ଘାଟନୀ ଅଧିବେଶନରେ ଓଡ଼ିଶାର ରାଜ୍ୟପାଳ ବ୍ରଜମୋହନ ରାମ ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମଧ୍ୟ ଉପସ୍ଥିତ ରହିବେ।
ବିଧାୟକଙ୍କ ଦକ୍ଷତା ବୃଦ୍ଧି ଉପରେ ଗୁରୁତ୍ୱ
ବିଧାନସଭାର କାର୍ଯ୍ୟପ୍ରଣାଳୀକୁ ଅଧିକ ସୁଦୃଢ଼ କରିବା ସହ ବିଧାୟକମାନଙ୍କ ସାଂସଦୀୟ ଦକ୍ଷତା ବଢ଼ାଇବା ଏହି କାର୍ଯ୍ୟକ୍ରମର ପ୍ରମୁଖ ଲକ୍ଷ୍ୟ। ଓଡ଼ିଶା ବିଧାନସଭାରେ ବର୍ତ୍ତମାନ ୩୫ଟି ସଂସଦୀୟ କମିଟି କାର୍ଯ୍ୟ କରୁଛି। ଏହି କମିଟିଗୁଡ଼ିକର କାର୍ଯ୍ୟକୁ କିପରି ଅଧିକ ସକ୍ରିୟ ଓ ଫଳପ୍ରଦ କରାଯାଇପାରିବ, ସେ ଦିଗରେ ଆଲୋଚନା ହେବ।
ସଂସଦୀୟ କମିଟି ବ୍ୟବସ୍ଥାକୁ ସୁଦୃଢ଼ କରିବାରେ କେରଳ ଓ ଓଡ଼ିଶାର ପଦକ୍ଷେପ ଉଲ୍ଲେଖନୀୟ ରହିଛି। ଏହି ବ୍ୟବସ୍ଥାକୁ ଆହୁରି ଦକ୍ଷ କରିବା ସହ ବିଧାୟକମାନେ ନିଜ ଦାୟିତ୍ୱକୁ କିପରି ଉତ୍ତମ ଭାବେ ନିର୍ବାହ କରିପାରିବେ, ତାହା ଉପରେ ତାଲିମ ଦିଆଯିବ।
ସରକାରୀ ଯୋଜନା ଓ ବିଭାଗୀୟ କାର୍ଯ୍ୟର ସମୀକ୍ଷା ଶିଖିବେ ବିଧାୟକ
ବିଭିନ୍ନ ସରକାରୀ ବିଭାଗର କାର୍ଯ୍ୟକାରିତା, ଯୋଜନାଗୁଡ଼ିକର ରୂପାୟନ ଏବଂ ସରକାରୀ ନିଷ୍ପତ୍ତିର ପ୍ରଭାବ ସମ୍ପର୍କରେ ବିଧାୟକମାନଙ୍କୁ ଆବଶ୍ୟକ ତଥ୍ୟ ଓ ପ୍ରଶିକ୍ଷଣ ଦିଆଯିବ। ବିଶେଷକରି କାର୍ଯ୍ୟନିର୍ବାହୀ ବିଭାଗଗୁଡ଼ିକର କାର୍ଯ୍ୟଧାରା ଉପରେ ବିଧାୟକମାନେ କିପରି ନଜର ରଖିବେ ଏବଂ ନିଜ ନିର୍ବାଚନମଣ୍ଡଳୀର ସମସ୍ୟାକୁ କିପରି ପ୍ରଭାବଶାଳୀ ଭାବେ ଉପସ୍ଥାପନ କରିବେ, ସେନେଇ ମାର୍ଗଦର୍ଶନ କରାଯିବ।
ଆଗାମୀ ବଜେଟ୍ ଅଧିବେଶନ ପାଇଁ ମିଳିବ ସ୍ୱତନ୍ତ୍ର ତାଲିମ
ଆଗାମୀ ବଜେଟ୍ ଅଧିବେଶନକୁ ଆଖି ଆଗରେ ରଖି ଏଥର ଓରିଏଣ୍ଟେସନ୍ କାର୍ଯ୍ୟକ୍ରମରେ ବଜେଟ୍ ସମ୍ପର୍କିତ ବିଷୟକୁ ବିଶେଷ ପ୍ରାଧାନ୍ୟ ଦିଆଯିବ। ବିଭିନ୍ନ ବିଭାଗକୁ କେତେ ଅର୍ଥ ଆବଣ୍ଟନ କରାଯାଉଛି, ମଞ୍ଜୁର ଅର୍ଥରୁ କେତେ ଖର୍ଚ୍ଚ ହେଉଛି ଏବଂ ଅନୁଦାନର ସଠିକ୍ ବିନିଯୋଗ ହେଉଛି କି ନାହିଁ, ସେସବୁ ବିଷୟରେ ବିଧାୟକମାନଙ୍କୁ ବୁଝାଯିବ।
ଏଥିସହ ବଜେଟ୍ ଆକଳନ, ଅର୍ଥ ବିନିଯୋଗର ସମୀକ୍ଷା ଏବଂ ବିଭାଗୀୟ କାର୍ଯ୍ୟର ମୂଲ୍ୟାଙ୍କନ କିପରି କରାଯିବ, ସେ ସମ୍ପର୍କରେ ମଧ୍ୟ ତାଲିମ ଦିଆଯିବ। ବିଧାନସଭାରେ ବିଧାୟକମାନେ ଯେପରି ତଥ୍ୟଭିତ୍ତିକ, ଯୁକ୍ତିଯୁକ୍ତ ଓ ଗଠନମୂଳକ ଆଲୋଚନା କରିପାରିବେ, ତାହା ଉପରେ ଏହି କାର୍ଯ୍ୟକ୍ରମରେ ଫୋକସ୍ ରହିବ।