બગસરા પોલીસ સ્ટેશનમાં નવા પી.આઈ.ઓ.કે. જાડેજાની કડક કાર્યવાહી

બગસરા પોલીસ સ્ટેશનમાં નવા આવેલા પી.આઈ.ઓ.કે. જાડેજાએ ચાર્જ સંભાળતા સાથે કડક કાર્યવાહી શરૂ કરી છે. છેલ્લા બે દિવસથી બગસરા બજાર અને મુખ્ય ચોકમાં તેમની માર્ગદર્શન હેઠળ પોલીસ દ્વારા સઘન વાહન ચેકિંગ કરવામાં આવી રહ્યું છે.

ચેકિંગમાં દારૂ પીને વાહન ચલાવનારા, નંબર પ્લેટ વગરના બાઈક ચાલકો અને નશો કરીને રખડતા યુવકો વિરુદ્ધ કડક કાર્યવાહી કરવામાં આવી રહી છે. સંબંધિત વ્યક્તિઓને તાત્કાલિક ધરપકડ અને દંડની કાર્યવાહી કરવામાં આવી છે.

આ કાર્યવાહીથી બજારમાં નશાખોરોમાં ફફડાટ ફેલાયો છે, જ્યારે વેપારીઓ અને નાગરિકોએ પોલીસની કામગીરીને બિરદાવી છે. "બગસરામાં હવે કાયદો અને વ્યવસ્થા જળવાઈ રહેશે, પી.આઈ. જાડેજા સાહેબની આવી કાર્યવાહી ચાલુ રહેવી જોઈએ," સ્થાનિક વેપારીએ કહ્યું.

બગસરા પોલીસ દ્વારા લોકોને અપીલ કરવામાં આવી છે કે, કોઈ પણ અસામાજિક પ્રવૃત્તિ દેખાય તો તુરંત પોલીસને જાણ કરે, જેથી કાયદો અને વ્યવસ્થા જાળવી રાખી શકાય.