ପୂର୍ବତନ ବିଜେଡ଼ି ନେତାଙ୍କ ଘରେ ଇଓଡବ୍ଲ୍ୟୁ ରେଡ୍

ରାୟଗଡ଼ା: ପୂର୍ବତନ ରାଜ୍ୟସଭା ସାଂସଦଙ୍କ ଭାସ୍କର ରାଓଙ୍କ ପାଇଁ ଅଡ଼ୁଆ ବଢ଼ିଛି । ଭାସ୍କର ରାଓଙ୍କ ରାୟଗଡା ସ୍ଥିତ ବାସଭବନରେ ଅର୍ଥନୈତକ ଅପରାଧିକ ଶାଖା ପକ୍ଷରୁ ଚଢ଼ଉ ହୋଇଛି । ଏହି ଟିମ ୨ ଦିନ ହେଲା ରାୟଗଡା ରେ ରହି ଆର୍ଥିକ ଅନିୟମିତତା ଅଭିଯୋଗର ଛାନ ଭିନ କରୁଛନ୍ତି I
ସୂଚନାଯୋଗ୍ୟ, ଟ୍ରକ ମାଲିକ ସଂଘର ସଭାପତି ୱାଇ ଭେଙ୍କଟେଶ୍ୱର ରାଓ (ମୃତ ), ଭାସ୍କର ରାଓ ଓ ଅନ୍ୟମାନଙ୍କ ବିରୋଧରେ ଟ୍ରକ ମାଲିକ ସଙ୍ଘ ୮୦ କୋଟି ଟଙ୍କା ହଡପ ଅଭିଯୋଗ ଆଣିଥିଲେ I ମୃତ କୋଣ୍ଡା ବାବୁ ରାୟଗଡା ପୋଲିସକୁ ଏନେଇ ଅଭିଯୋଗ କରିଥିଲେ I ରାୟଗଡା ପୋଲିସ ଏହି ମାମଲାକୁ କ୍ରାଇମ ବ୍ରାଞ୍ଚକୁ ହସ୍ତାନ୍ତର କରିଥିଲା I କ୍ରାଇମ ବ୍ରାଞ୍ଚର ୨୫ ଜଣିଆ ଟିମ ଆସି ତଦନ୍ତ କରୁଥିବା ଜଣାପଡିଛି I
ଭାସ୍କର ରାଓ ବର୍ତ୍ତମାନ ରାୟଗଡାରେ ଅନୁପସ୍ଥିତ ଅଛନ୍ତି । ଇଓଡବ୍ଲୁ ଟିମ ଶ୍ରୀ ରାଓଙ୍କ ରାୟଗଡା ସ୍ଥିତ ବାସଭବନରେ ରହି କିଛି ସହାୟକଙ୍କୁ ପଚରା ଉଚରା କରୁଛନ୍ତି I ଏ ନେଇ କୌଣସି ସୂଚନା ଗଣମାଧ୍ୟମ ଆଗରେ ଦେବାକୁ ତଦନ୍ତକାରୀ ସଂସ୍ଥା ମନା କରିଛି ।