સુરતના સરદાર બ્રિજ પર યુવક આત્મહત્યાનો પ્રયાસ, તાપી નદીમાં કૂદ્યો

સુરત શહેરમાં સરદાર બ્રિજ પરથી એક યુવકે રહસ્યમય સંજોગોમાં તાપી નદીમાં કૂદીને આત્મહત્યાનો પ્રયાસ કર્યો. રાત્રિના સમયે લોકોની અવરજવર વચ્ચે યુવકે બ્રિજ પર પોતાની બાઇક ઊભી રાખી, ચપ્પલ ઉતાર્યા અને જોતજોતામાં તાપી નદીના ધસમસતા પ્રવાહમાં છલાંગ લગાવી દીધી. ઘટનાને પગલે ત્યાં હાજર લોકોમાં ભારે અફરાતફરી મચી ગઈ હતી.

તાત્કાલિક ફાયર વિભાગ અને પોલીસને જાણ કરવામાં આવી અને સ્થળ પર જ તાત્કાલિક બચાવ કામગીરી શરૂ થઈ. બચાવ ટીમે યુવકને પાણીમાંથી બહાર કાઢ્યો, પરંતુ તે સમયે જ ગંભીર સ્થિતિમાં હતો.

અધિકારીઓએ જણાવ્યું કે ઘટનાની તપાસ ચાલી રહી છે અને વધુ માહિતી મળતાં જ જાહેર કરવામાં આવશે.