स्थानीय
ભરૂચ: કાસદમાં સરકારી કાંસના ખોદકામમાં ગેરરીતિના આક્ષેપ, ખેડૂતોએ કરી લેખિત રજૂઆત
ભરૂચના કાસદ ગામમાં સરકારી કાંસના ખોદકામમાં નિયમોના ભંગ અને ગેરરીતિના ગંભીર આક્ષેપો સાથે ખેડૂતોએ જિલ્લા કલેક્ટરને લેખિત રજૂઆત કરી છે. મંજૂરી કરતાં વધુ ઊંડાઈએ ખોદકામ કરી પીળી માટીનું વેચાણ કરવાનો પણ દાવો કરાયો છે.
ભરૂચ જિલ્લાના કાસદ ગામમાં સરકારી કાંસના ખોદકામની કામગીરી વિવાદમાં સપડાઈ છે. ખેડૂતોએ આક્ષેપ કર્યો છે કે ખોદકામ માટે માત્ર 1.5 મીટરની મંજૂરી હોવા છતાં, સ્થળ પર 5 મીટરથી વધુ ઊંડાઈએ ખોદકામ કરવામાં આવ્યું છે. આ ખોદકામ દરમિયાન એક હજારથી વધુ ડમ્પર પીળી માટી બહાર લઈ જવાઈ હોવાનો અને પ્રતિ ડમ્પર રૂ. 10 હજારના ભાવે વેચાણ કરવાનો પણ ખેડૂતોએ ગંભીર આરોપ લગાવ્યો છે.
કાસદ અને મહુધલા ગામના ખેડૂતોએ માટીના જથ્થા, તેના વેચાણ અને રોયલ્ટીના હિસાબ અંગે સવાલો ઉઠાવ્યા છે. આ સમગ્ર મામલે ખેડૂતોએ ભેગા મળી જિલ્લા કલેક્ટર સમક્ષ લેખિત રજૂઆત કરી છે. તેમણે માંગ કરી છે કે આક્ષેપોની સત્યતા ચકાસવા માટે એક સંયુક્ત ટીમ દ્વારા સ્થળ તપાસ કરવામાં આવે અને ખોદકામની ચોક્કસ માપણી કરવામાં આવે.
બીજી તરફ, આ મામલે સ્થાનિક સરપંચ ઇમરાન પટેલે ખેડૂતો દ્વારા કરાયેલા તમામ આક્ષેપોને પાયાવિહોણા ગણાવ્યા છે. તેમણે જણાવ્યું છે કે સરકારી મંજૂરી મેળવ્યા બાદ જ નિયમો મુજબ કામગીરી કરવામાં આવી રહી છે અને કોઈ પણ પ્રકારની ગેરરીતિ થઈ નથી.
હાલ તો, સરકારી મંજૂરી મુજબ જ ખોદકામ થયું છે કે પછી નિયમોનો ભંગ થયો છે તે અંગે તંત્ર દ્વારા કરવામાં આવનાર તપાસ બાદ જ સ્પષ્ટ થશે. આ સમગ્ર મામલે હવે સૌની નજર તંત્રની તપાસ અને તેના નિષ્કર્ષ પર રહેશે.
કાસદ અને મહુધલા ગામના ખેડૂતોએ માટીના જથ્થા, તેના વેચાણ અને રોયલ્ટીના હિસાબ અંગે સવાલો ઉઠાવ્યા છે. આ સમગ્ર મામલે ખેડૂતોએ ભેગા મળી જિલ્લા કલેક્ટર સમક્ષ લેખિત રજૂઆત કરી છે. તેમણે માંગ કરી છે કે આક્ષેપોની સત્યતા ચકાસવા માટે એક સંયુક્ત ટીમ દ્વારા સ્થળ તપાસ કરવામાં આવે અને ખોદકામની ચોક્કસ માપણી કરવામાં આવે.
બીજી તરફ, આ મામલે સ્થાનિક સરપંચ ઇમરાન પટેલે ખેડૂતો દ્વારા કરાયેલા તમામ આક્ષેપોને પાયાવિહોણા ગણાવ્યા છે. તેમણે જણાવ્યું છે કે સરકારી મંજૂરી મેળવ્યા બાદ જ નિયમો મુજબ કામગીરી કરવામાં આવી રહી છે અને કોઈ પણ પ્રકારની ગેરરીતિ થઈ નથી.
હાલ તો, સરકારી મંજૂરી મુજબ જ ખોદકામ થયું છે કે પછી નિયમોનો ભંગ થયો છે તે અંગે તંત્ર દ્વારા કરવામાં આવનાર તપાસ બાદ જ સ્પષ્ટ થશે. આ સમગ્ર મામલે હવે સૌની નજર તંત્રની તપાસ અને તેના નિષ્કર્ષ પર રહેશે.