સુરત વીવર્સ એસોસિએશનએ દિવાળી વેકેશન લાંબુ રાખવાનો નિર્ણય કર્યો

સુરત ટેક્સટાઇલ ઉદ્યોગમાં ચાલી રહેલી મંદી અને દિવાળી પછીની આર્થિક સ્થિતિને પહોંચી વળવા માટે આજે સુરત વીવર્સ એસોસિએશન સાયણ ઝોનની એક અગત્યની મીટિંગ યોજાઈ હતી.

માર્કેટમાં લેવાલી ન હોવાથી કારખાનેદારો પાસે તૈયાર કાપડનો મોટો સ્ટોક જમા થઈ રહ્યો છે. આ પરિસ્થિતિ વચ્ચે કાચા માલ એટલે કે યાર્નના ભાવ વધી રહ્યા છે અને બજારમાં લિક્વિડિટી ઘટી રહી છે.

આ તમામ આફતોનો સામનો કરવા તેમજ આર્થિક સ્થિતિ સુધારવા માટે તમામ વીવર્સોએ એકત્ર થઈને દિવાળી વેકેશન લાંબુ રાખવાનો સામુહિક અને સ્વૈચ્છિક નિર્ણય લીધો છે.

આ નિર્ણયથી કારખાનેદારોને વધુ સમય મળશે સ્ટોક ઘટાડવા અને બજારની માંગ સાથે સુમેળ બેસાડવા, જે ઉદ્યોગની સ્થિરતામાં સહાય કરશે.