લીલીયાના સલડી ગામનો પાકા કામનો કેદી વચગાળાના જામીન પર છૂટ્યા બાદ ફરાર

લીલીયાના સલડી ગામનો પાકા કામનો કેદી સુરતની લાજપોર મધ્યસ્થ જેલમાંથી વચગાળાના જામીન પર છૂટીને ફરાર થઈ ગયો છે. આ અંગે સુરતની લાજપોર મધ્યસ્થ જેલના જેલ સ્ટાફ ક્વાર્ટર્સના જ્યુડિશિયલ જેલર ધર્મેશભાઈ એન. ચૌધરીએ લીલીયાના સલડી ગામના પંકજ ઉર્ફે હાજો વિનુભાઈ માથાસુળીયા સામે ફરિયાદ નોંધાવી છે.

ફરિયાદ મુજબ, આરોપીને સાત દિવસના વચગાળાના જામીન પર મુક્ત કરવામાં આવ્યો હતો. તેની જામીનની મુદત ૦૨-૦૯-૨૦૨૬ ના રોજ પૂરી થતાં તેને લાજપોર જેલ ખાતે હાજર થવાનું હતું, પરંતુ તે હાજર થયો નહોતો અને ફરાર થઈ ગયો હતો.

વચગાળાના જામીનની મુદત પૂરી થતાં હાજર ન થવાના કારણે લીલીયા પોલીસે આરોપી વિરુદ્ધ ગુનો નોંધ્યો છે. લીલીયા પોલીસ સ્ટેશનના હેડ કોન્સ્ટેબલ મહેશભાઈ મધુભાઈ ચૌહાણ વધુ તપાસ કરી રહ્યા છે.