માંડલમાં ઘરફોડ ચોરીના ગુનાનો આરોપી ઝડપાયો પોલીસે ૫૦ મીટર કોપર વાયર કબજે કર્યો, કિંમત અંદાજે રૂ. ૧.૨૫ લાખ

અમદાવાદ ગ્રામ્યના માંડલ પોલીસને ઘરફોડ ચોરીના ગુનામાં સફળતા મળી છે.માંડલ પોલીસ સ્ટેશન વિસ્તારમાં નોંધાયેલા ઘરફોડ ચોરીના ગુનામાં પોલીસે ગણતરીના કલાકોમાં આરોપી નીલેશભાઈ શંકરભાઈ ચૌહાણને ઝડપી પાડ્યો હોવાનું જાણવા મળ્યું છે.પોલીસે આરોપી પાસેથી અંદાજે ૫૦ મીટર કોપર વાયર કબજે કર્યો છે, જેની કિંમત આશરે રૂ. ૧.૨૫ લાખ હોવાનું જાણવા મળ્યું છે.આરોપીની ધરપકડ કરી પોલીસે કાયદેસરની કાર્યવાહી હાથ ધરી છે. ચોરીના ગુનામાં અન્ય કોઈની સંડોવણી છે કે કેમ તે દિશામાં પણ પોલીસ દ્વારા વધુ તપાસ હાથ ધરવામાં આવી રહી છે.માંડલ પોલીસની આ કામગીરીથી ઘરફોડ ચોરીના ગુનાઓ કરતા તત્વોમાં ફફડાટ ફેલાયો છે. રિપોર્ટર આસીક અલી ગીલાણી વિરમગામ