સુરતના માંગરોળમાં કીમ નદીમાં તણાતાં બે પરપ્રાંતીય યુવકોને સ્થાનિકોએ બચાવ્યા

સુરત જિલ્લાના માંગરોળ તાલુકાના મોટા બોરસરા ગામ નજીક આવેલી કીમ નદીમાં બે પરપ્રાંતીય યુવકો નાહવા ઉતર્યા હતા. જોકે, નદીમાં પાણીનું તેજ વહેણ હોવાથી બંને યુવકો પાણીમાં તણાઈ ગયા હતા, જેના કારણે ઘટનાસ્થળે અફરાતફરી મચી ગઈ હતી.

ઘટનાની જાણ થતાં જ ઘટનાસ્થળે હાજર સ્થાનિક યુવકોએ સમયસૂચકતા દાખવી પોતાના જીવના જોખમે બંને યુવકોને પાણીમાંથી સુરક્ષિત બહાર કાઢ્યા હતા. આ ઘટનામાં સદનસીબે કોઈ જાનહાનિ થઈ નથી.

સ્થાનિક લોકોએ આ ઘટનામાં બતાવેલી સહયોગી ભૂમિકાની પ્રશંસા કરવામાં આવી છે. બંને યુવકોની સ્થિતિ સ્થિર હોવાનું જણાવામાં આવ્યું છે.