એ.સી.બી.એ આણંદમાં પી.એસ.આઇ. અને પ્રજાજનને ૨ લાખ રૂપિયા લાંચ લેતાં ઝડપ્યાં, કારમાંથી ૪૯ લાખ રોકડ મળ્યાં

ગુજરાત રાજ્યના અપરાધ દબાવવાના વિભાગ (એ.સી.બી.) દ્વારા આણંદમાં એક મોટી ટ્રેપ સફળ બનાવી છે. આણંદ ટાઉન પોલીસ સ્ટેશનમાં નોંધાયેલા ગુનાની તપાસના કામે ફરીયાદીના ફ્રીજ થયેલ બેંક એકાઉન્ટ અનફ્રીજ કરાવવા તથા ઘરપકડ ન કરવા માટે પી.એસ.આઇ. શ્રી વી.એન.રાઠોડ અને પ્રજાજન શ્રી દિલીપભાઇ ઉર્ફે દિપુભાઇ ભીખાભાઇ પટેલે ફરીયાદી પાસે રૂ.૨,૦૦,૦૦૦/- ની લાંચની માંગણી કરી હતી. ફરીયાદીએ આ રકમ આપવાનો ઇનકાર કરતાં એ.સી.બી.નો સંપર્ક કર્યો હતો.

૨૯ ઓક્ટોબર ૨૦૨૬ ના રોજ એ.સી.બી. ટીમે લાંચનું છટકું ગોઠવ્યું હતું. આ દરમિયાન આરોપી નં.૨ દિલીપભાઇએ રૂ.૨,૦૦,૦૦૦/- ની લાંચની રકમ સ્વીકારી લીધી હતી, જેના કારણે તેઓ ઝડપાયા હતા. જોકે, આરોપી નં.૧ પી.એસ.આઇ. વી.એન.રાઠોડ ઘટનાસ્થળે હાજર મળી આવ્યા ન હતા. ટ્રેપનું સ્થળ એસ.ઓ.જી. ઓફીસની બહાર, દરવાજા પાસે આરોપીની કબ્જામાં રહેલી મારૂતિ સિયાઝ કાર હતી.

આરોપીની કબ્જામાં રહેલી મારૂતિ સિયાઝ કારમાં પંચો રૂબરૂ કરેલી ઝડપી તપાસમાં શંકાસ્પદ રકમ રૂ.૪૯,૦૦,૦૦૦/- (ઓગણપચાસ લાખ રૂપિયા) રોકડ મળી આવેલી છે. ટ્રેપિંગ અધિકારી શ્રી ડી.એન.પટેલ, પો.ઇન્સ. એ.સી.બી., ફીલ્ડ-૧, અમદાવાદ અને એ.સી.બી. ટીમે આ ઓપરેશન સફળ બનાવ્યું છે. હાલમાં આ બાબતે આગળની તપાસ ચાલુ છે.