જામનગર પોલીસની દિવાળી પૂર્વે સ્પેશિયલ ટ્રાફિક ડ્રાઇવમાં ૨૧૬ કેસ, રૂ. ૮૦,૪૦૦નો દંડ

દિવાળીના તહેવાર દરમિયાન નાગરિકો ભયમુક્ત રીતે ઉજવણી કરી શકે તે માટે જામનગર જિલ્લા પોલીસ દ્વારા એસ.પી. ડૉ. રવિ મોહન સૈનીના માર્ગદર્શન હેઠળ તા. ૨૮ ઑક્ટોબરે સ્પેશિયલ ટ્રાફિક ડ્રાઇવ હાથ ધરવામાં આવી હતી. આ કામગીરી દરમિયાન હથિયાર ધારાના ૧૯ કેસ, ડ્રિંક એન્ડ ડ્રાઇવના ૯, બેફિકરાઈથી વાહન ચલાવવાના ૧૦ અને વાહન અડચણરૂપ હોવાના ૩ કેસ નોંધાયા હતા. બ્લેક ફિલ્મના ૪૪, નંબર પ્લેટ વગરના ૬૯, ફેન્સી નંબર પ્લેટના ૪૩ અને મોડિફાઇડ સાઇલેન્સરના ૫ કેસ કરવામાં આવ્યા હતા. ઉપરાંત, એમ.વી. એક્ટ હેઠળ ૧૪ વાહનો ડિટેઇન કરાયાં હતાં. પોલીસે કુલ રૂ. ૮૦,૪૦૦નો દંડ વસૂલ કર્યો હતો.થ
પોલીસ અધિકારીઓએ જણાવ્યું કે આવી ડ્રાઇવનો હેતુ ટ્રાફિક સુરક્ષા વધારવો અને જાહેર માર્ગો પર નિયમિતતા લાવવાનો છે.

આ પગલાંથી સ્થાનિક રહેવાસીઓમાં ટ્રાફિક નિયમોનું પાલન વધશે તેવી આશા છે.