સુરતના પાલ વિસ્તારમાં લિફ્ટમાં ફસાયા બે યુવકોને ફાયર બ્રિગેડે હેમખેમ બચાવ્યા

સુરત શહેરના પાલ વિસ્તારમાં આવેલી પાણીની ટાંકી પાસેની યુનિવર્સલ રેસિડેન્સીમાં આજે એક ભયાનક ઘટના બની હતી. બિલ્ડિંગમાં લિફ્ટ અચાનક બંધ થઈ જતાં તેમાં સવાર બે યુવકો અધવચ્ચે ફસાઈ ગયા હતા. લિફ્ટ બિલ્ડિંગના ચોથા માળે અટકી જતાં ફસાયેલા બંને યુવાનોના જીવ તાળવે ચોંટી ગયા હતા.

આ ઘટનાની માહિતી મળતાં ફાયર બ્રિગેડની ટીમ ઘટનાસ્થળે પહોંચી હતી. કામગીરોએ સમયસૂચકતા દાખવીને તાબડતોબ રેસ્ક્યૂ ઓપરેશન હાથ ધર્યું હતું. જોખમી સ્થિતિમાંથી બે યુવકોને હેમખેમ બહાર કાઢવામાં આવ્યા હતા.

આ ઘટનામાં કોઈ જાનહાનિ થઈ નથી. ફસાયેલા યુવકોની સ્થિતિ સ્થિર હોવાનું જણાવવામાં આવ્યું છે.