અમરેલીની સેશન્સ અદાલતે ઉપસરપંચ ગણેશભાઈ વિરમગામાને એટ્રોસિટી કેસમાં નિર્દોષ જાહેર કર્યો

અમરેલીની એડી. સેશન્સ અદાલતે ૨૬ ફેબ્રુઆરી ૨૦૨૩ના રોજ મતીરાળા ગામના ઉપસરપંચ ગણેશભાઈ હરજીભાઈ વિરમગામાને એટ્રોસિટી અને મારામારીના કેસમાં નિર્દોષ જાહેર કરી છોડી મૂકવાનો હુકમ કર્યો.

૧૩ ફેબ્રુઆરી ૨૦૧૭ના રોજ મતીરાળા ગ્રામ પંચાયતની કચેરીમાં સરપંચ દ્વારા કારોબારીની મીટિંગ બોલાવવામાં આવી હતી. મીટિંગમાં ઉપસરપંચ ગણેશભાઈ હાજર હતા અને ફરિયાદી આલાભાઈ હીરાભાઈ લુબાર તથા તેની પત્ની ધનીબેન પણ હાજર હતા.

મીટિંગ બાદ ગટરના કામની ફરિયાદ અને ઉગ્ર બોલાચાલી થઈ, જેના પરિણામે ફરિયાદીને ગાળો આપી માર માર્યો હોવાનો આરોપ લાગ્યો. ફરિયાદીને ગંભીર ઈજા થતાં અમરેલી સિવિલ હોસ્પિટલમાં સારવાર લીધી અને ત્યાંથી પોલીસ ફરિયાદ નોંધાવી. પોલીસે ભારતીય ફોજદારી ધારા અને એટ્રોસિટી એક્ટ હેઠળ તપાસ કરી અને ચાર્જશીટ તૈયાર કરી.

આગેવાનો સમાધાન માટે પ્રયત્નો છતાં કેસ ચાલતા ફરિયાદ પક્ષ પુરાવા રજૂ કરવામાં નિષ્ફળ રહ્યો. સેશન્સ જજ એમ.એમ. પરમારે કાયદાની જોગવાઈઓ અને પુરાવાની છણાવટને ધ્યાનમાં રાખીને આરોપીને નિર્દોષ ઠેરવ્યો અને છોડી મૂકવાનો હુકમ કર્યો.