વેરાવળમાં ૧૨૧ વર્ષીય ક્રિષ્ના ગરબી મંડળમાં ૧૩ દિવસીય રાસ-ગરબા હરીફાઈ, ૨ કિંગ, ૧ ક્વીન સહિત ૧૨૭ ઇનામો

વેરાવળના શ્રી કૃષ્ણ નગર, ખડખડ રામ મંદિર પાસે ૧૨૧ વર્ષથી વધુ પ્રાચીન ક્રિષ્ના ગરબી મંડળ (મગરા ચોક) ખાતે ખારવા સમાજના પટેલ જીતુભાઇ કુહાડા અને અધ્યક્ષ કિશોરભાઇ કુહાડા દ્વારા ૧૩ દિવસીય ભવ્ય રાસ-ગરબા હરીફાઈનું સફળ આયોજન સંપન્ન થયું.

નાના ભૂલકાઓ, યુવાન ખેલૈયા ભાઈઓ, કન્યાઓ તથા લગ્નિત બહેનો માતાજીની આરાધના સાથે રંગબેરંગી પરિધાન અને આભૂષણો સજાવી ઉત્સાહભેર ભાગ લીધો.

સ્પર્ધાના અંતે યોજાયેલ ફાઇનલ અને મેગા ફાઇનલમાં ૨ કિંગ અને ૧ ક્વીનને કુલ ૩ ટુ-વ્હીલર બાઇક, પ્રિન્સ અને પ્રિન્સેસને એલઇડી ટીવી, ફ્રિજ અને વોશિંગ મશીન, તેમજ ૩ પ્રિન્સ અને ૩ પ્રિન્સેસને ૬ સાયકલ અને ૫૦ લહાણી સહિત કુલ ૧૨૭ આકર્ષક ઇનામો એનાયત કરવામાં આવ્યા.

ઇનામ વિતરણ સમારોહમાં ખારવા સમાજના પ્રમુખ જીતુભાઇ મોહનભાઇ કુહાડા, અખિલ ગુજરાત મચ્છીમાર મહામંડળના પ્રમુખ, ગદરે મરીનના મેનેજર અરવિંદ સાહેબ, ગીર સોમનાથ જિલ્લા BJPના પૂર્વ ઉપપ્રમુખ ધનસુખભાઇ કુહાડા અને અન્ય મહેમાનો ઉપસ્થિત રહ્યા અને ખેલૈયાઓને પ્રોત્સાહિત કરી ઇનામો અર્પણ કર્યા.

આ કાર્યક્રમ દ્વારા સ્થાનિક સાંસ્કૃતિક વારસોનું પ્રોત્સાહન મળ્યું અને સમુદાયમાં પરંપરાગત કલા પ્રત્યેની ઉત્સુકતા અને ભાગીદારીમાં વધારો થયો.