ଲୋକାଭିମୁଖୀ ସାମ୍ବାଦିକତାରେ ରାମକୃଷ୍ଣ ଚୌଧୁରୀଙ୍କୁ ଆଜୀବନ ସାଧକ ସମ୍ମାନ
ମାଲକାନଗିରି, ୨୬ ଅକ୍ଟୋବର: ଲୋକାଭିମୁଖୀ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ମାଲକାନଗିରିର ଯୁବ ସାମ୍ବାଦିକ ରାମକୃଷ୍ଣ ଚୌଧୁରୀଙ୍କୁ ‘ଲୋକାଭିମୁଖୀ ସାମ୍ବାଦିକତାରେ ଆଜୀବନ ସାଧକ’ ସମ୍ମାନ ପ୍ରଦାନ କରାଯାଇଛି। ଶନିବାର ଭୁବନେଶ୍ୱରସ୍ଥିତ ସୂଚନା ଓ ସଚେତନ ଟ୍ରଷ୍ଟର ଡିଜିଟାଲ୍ ମଞ୍ଚ ‘କହୁଛି ଓଡ଼ିଶା’ ପକ୍ଷରୁ ଆୟୋଜିତ ରାଜ୍ୟସ୍ତରୀୟ ‘ଯୁବ ଲେଖକ ଓ ସ୍ରଷ୍ଟାମାନଙ୍କ ପ୍ରଶିକ୍ଷଣ ଓ କର୍ମଶାଳା’ରେ ତାଙ୍କୁ ଉତ୍ତରୀୟ, ମାନପତ୍ର ଓ ଉପହାର ଦେଇ ସମ୍ମାନିତ କରାଯାଇଥିଲା।
ଏହି ସମାରୋହରେ ଅତିରିକ୍ତ ମୁଖ୍ୟ ଶାସନ ସଚିବ ହେମନ୍ତ ଶର୍ମା, ‘ଅର୍ଗାନାଇଜର’ର ମୁଖ୍ୟ ସମ୍ପାଦକ ପ୍ରଫୁଲ୍ଲ କେତକର ଓ ପଦ୍ମଶ୍ରୀ ମହେନ୍ଦ୍ର ମିଶ୍ର ଉପସ୍ଥିତ ରହି ଶ୍ରୀ ଚୌଧୁରୀଙ୍କୁ ଏହି ସମ୍ମାନ ପ୍ରଦାନ କରିଥିଲେ।
ଶ୍ରୀ ଚୌଧୁରୀ ନିଜ ସାମ୍ବାଦିକତା ମାଧ୍ୟମରେ ଗ୍ରାମୀଣ ବିକାଶ, ଦୁର୍ନୀତିର ପର୍ଦ୍ଦାଫାସ, ଦୁର୍ଗମ ଅଞ୍ଚଳରେ ସରକାରୀ ସହାୟତା ପହଞ୍ଚାଇବା, ଉଚ୍ଚଶିକ୍ଷା, କ୍ୟାରିୟର ପରାମର୍ଶ ଓ ମହିଳାଙ୍କ ସ୍ୱରୋଜଗାର ଭଳି ଜନସ୍ୱାର୍ଥ ସମ୍ବଳିତ ପ୍ରସଙ୍ଗକୁ ସର୍ବଦା ଗୁରୁତ୍ୱ ଦେଇଆସୁଛନ୍ତି। ତାଙ୍କର ଏହି କାର୍ଯ୍ୟଧାରା ଲୋକଙ୍କ ସମସ୍ୟାକୁ ସାମ୍ନାକୁ ଆଣିବା ସହ ସମାଜ ପ୍ରତି ସାମ୍ବାଦିକତାର ଦାୟିତ୍ୱବୋଧକୁ ପ୍ରତିଫଳିତ କରୁଛି।
ସିଏସ୍ଆଇଆର୍-ଆଇଏମ୍ଏମଟିର ସମ୍ମିଳନୀ କକ୍ଷରେ ଆୟୋଜିତ ଏହି କର୍ମଶାଳାରେ ରାଜ୍ୟର ୩୧୪ଟି ବ୍ଲକ୍ରୁ ପ୍ରତିନିଧିମାନେ ଯୋଗଦେଇଥିଲେ। ଏଥିରେ ଡିଜିଟାଲ୍ ଗଣମାଧ୍ୟମର ଦାୟିତ୍ୱପୂର୍ଣ୍ଣ ବ୍ୟବହାର, ତଥ୍ୟ ସଂଗ୍ରହ, ଲେଖନ ଓ ଉପସ୍ଥାପନା ଶୈଳୀ ଆଦି ବିଷୟରେ ପ୍ରଶିକ୍ଷଣ ଦିଆଯାଇଥିଲା।
ରାମକୃଷ୍ଣ ଚୌଧୁରୀଙ୍କୁ ମିଳିଥିବା ଏହି ସମ୍ମାନ ମାଲକାନଗିରି ଜିଲ୍ଲା ପାଇଁ ଗୌରବର ବିଷୟ ହୋଇଥିବାବେଳେ ଯୁବ ସାମ୍ବାଦିକମାନଙ୍କୁ ଜନସ୍ୱାର୍ଥ, ସତ୍ୟନିଷ୍ଠା ଓ ସାମାଜିକ ଦାୟିତ୍ୱବୋଧ ସହ କାର୍ଯ୍ୟ କରିବାକୁ ପ୍ରେରଣା ଯୋଗାଇବ ବୋଲି ଆଶା ପ୍ରକାଶ ପାଇଛି।
ଏହି ସମାରୋହରେ ଅତିରିକ୍ତ ମୁଖ୍ୟ ଶାସନ ସଚିବ ହେମନ୍ତ ଶର୍ମା, ‘ଅର୍ଗାନାଇଜର’ର ମୁଖ୍ୟ ସମ୍ପାଦକ ପ୍ରଫୁଲ୍ଲ କେତକର ଓ ପଦ୍ମଶ୍ରୀ ମହେନ୍ଦ୍ର ମିଶ୍ର ଉପସ୍ଥିତ ରହି ଶ୍ରୀ ଚୌଧୁରୀଙ୍କୁ ଏହି ସମ୍ମାନ ପ୍ରଦାନ କରିଥିଲେ।
ଶ୍ରୀ ଚୌଧୁରୀ ନିଜ ସାମ୍ବାଦିକତା ମାଧ୍ୟମରେ ଗ୍ରାମୀଣ ବିକାଶ, ଦୁର୍ନୀତିର ପର୍ଦ୍ଦାଫାସ, ଦୁର୍ଗମ ଅଞ୍ଚଳରେ ସରକାରୀ ସହାୟତା ପହଞ୍ଚାଇବା, ଉଚ୍ଚଶିକ୍ଷା, କ୍ୟାରିୟର ପରାମର୍ଶ ଓ ମହିଳାଙ୍କ ସ୍ୱରୋଜଗାର ଭଳି ଜନସ୍ୱାର୍ଥ ସମ୍ବଳିତ ପ୍ରସଙ୍ଗକୁ ସର୍ବଦା ଗୁରୁତ୍ୱ ଦେଇଆସୁଛନ୍ତି। ତାଙ୍କର ଏହି କାର୍ଯ୍ୟଧାରା ଲୋକଙ୍କ ସମସ୍ୟାକୁ ସାମ୍ନାକୁ ଆଣିବା ସହ ସମାଜ ପ୍ରତି ସାମ୍ବାଦିକତାର ଦାୟିତ୍ୱବୋଧକୁ ପ୍ରତିଫଳିତ କରୁଛି।
ସିଏସ୍ଆଇଆର୍-ଆଇଏମ୍ଏମଟିର ସମ୍ମିଳନୀ କକ୍ଷରେ ଆୟୋଜିତ ଏହି କର୍ମଶାଳାରେ ରାଜ୍ୟର ୩୧୪ଟି ବ୍ଲକ୍ରୁ ପ୍ରତିନିଧିମାନେ ଯୋଗଦେଇଥିଲେ। ଏଥିରେ ଡିଜିଟାଲ୍ ଗଣମାଧ୍ୟମର ଦାୟିତ୍ୱପୂର୍ଣ୍ଣ ବ୍ୟବହାର, ତଥ୍ୟ ସଂଗ୍ରହ, ଲେଖନ ଓ ଉପସ୍ଥାପନା ଶୈଳୀ ଆଦି ବିଷୟରେ ପ୍ରଶିକ୍ଷଣ ଦିଆଯାଇଥିଲା।
ରାମକୃଷ୍ଣ ଚୌଧୁରୀଙ୍କୁ ମିଳିଥିବା ଏହି ସମ୍ମାନ ମାଲକାନଗିରି ଜିଲ୍ଲା ପାଇଁ ଗୌରବର ବିଷୟ ହୋଇଥିବାବେଳେ ଯୁବ ସାମ୍ବାଦିକମାନଙ୍କୁ ଜନସ୍ୱାର୍ଥ, ସତ୍ୟନିଷ୍ଠା ଓ ସାମାଜିକ ଦାୟିତ୍ୱବୋଧ ସହ କାର୍ଯ୍ୟ କରିବାକୁ ପ୍ରେରଣା ଯୋଗାଇବ ବୋଲି ଆଶା ପ୍ରକାଶ ପାଇଛି।