જૂનાગઢમાં ગિરનાર લીલી પરિક્રમાનો રૂટ કલેક્ટર દ્વારા નિરીક્ષણ

જૂનાગઢ: ગિરનાર લીલી પવિત્ર પરિક્રમાની આવનારી યોજનાઓને ધ્યાનમાં રાખીને, જૂનાગઢ જિલ્લા કલેક્ટરએ આજરોજ સંબંધિત અધિકારીઓને સાથે રાખીને પરિક્રમા રૂટનું વિગતવાર નિરીક્ષણ કર્યું.

નિરીક્ષણ દરમિયાન પીવાના પાણીની વ્યવસ્થા, રસ્તાઓની સ્થિતિ, સાઇન બોર્ડ, વીજળીની પુરવઠા, સફાઈ અને યાત્રીઓ માટે જરૂરી અન્ય પ્રાથમિક સુવિધાઓની સમીક્ષા કરવામાં આવી. સુવિધાઓ સુચારુ રહે અને પરિક્રમા દરમિયાન ભાવિકોને કોઈ અડચણ ન પડે તે માટે અધિકારીઓને જરૂરી સૂચનો આપવામાં આવ્યા.

ગિરનારની પવિત્રતા અને પ્રાકૃતિક સૌંદર્યનું સંરક્ષણ કરવા, કલેક્ટરે તમામ ભાવિકોને વિનંતી કરી કે પરિક્રમા દરમિયાન પ્લાસ્ટિકની કોઈ પણ વસ્તુ સાથે ન લાવે. પ્લાસ્ટિક મુક્ત પરિક્રમાના સંકલ્પમાં સહભાગી બની, પર્યાવરણની કાળજી લેવા અને માર્ગને સ્વચ્છ રાખવા સહયોગ આપવાની અપેક્ષા છે.

વહીવટી તંત્ર અને દરેક ભાવિકની જવાબદારી સાથે, ગિરનાર લીલી પરિક્રમાને સ્વચ્છ અને સુંદર રાખી, તેની પવિત્રતા અને પ્રાકૃતિક સૌંદર્યનું જતન કરી શકાશે.