ચામુંડા બ્રિજ પર રસ્તામાં ઓઇલ ઢોળાતાં પોલીસે તાત્કાલિક સફાઈ કરી વાહનવ્યવહાર સુરક્ષિત કર્યો

આજરોજ F ટ્રાફિક પોલીસ સ્ટેશનના વિસ્તારમાં ચામુંડા બ્રિજ પર રસ્તામાં ઓઇલ ઢોળાઈ ગઈ હોવાની જાણ પોલીસ સબ ઇન્સ્પેક્ટર શ્રી એ.એ. દુરાની તથા તેમના સ્ટાફને મળી હતી. આ ઘટનાની જાણ મળતાં પોલીસ દ્વારા તાત્કાલિક પગલાં લેવામાં આવ્યાં હતાં.

પોલીસ સ્ટાફે ત્યાં જ હાજર રહીને રસ્તા પર માટી નાખીને સફાઈ કરવાનું કામ શરૂ કર્યું હતું. આ કાર્યવાહી દ્વારા રસ્તો વાહનવ્યવહાર માટે સુરક્ષિત અને સંપૂર્ણપણે ક્લિયર કરવામાં આવ્યો હતો, જેથી વધુ નુકસાન થતું અટકાવ્યું.

આ તાત્કાલિક કામગીરીના પરિણામે ટ્રાફિક વ્યવસ્થા ફરીથી રાબેતા મુજબ ચાલુ કરવામાં આવી હતી. પોલીસની આ સમયસરની કાર્યવાહીને કારણે વાહનચાલકોને અકસ્માતના સંભવિત જોખમથી બચાવવામાં સફળતા મળી હતી.