અમદાવાદ પોલીસ કમિશનરની કચેરીમાં હાર્ટ એટેકથી પોલીસ કર્મચારીનું નિધન..

અમદાવાદ પોલીસ કમિશનરની કચેરીમાં સોમવારે એક દુઃખદ ઘટના બની છે. અહીં ફરજ પર હાજર હોય ત્યારે એ-2 શાખામાં હેડ ક્લાર્ક તરીકે ફરજ બજાવતા પોલીસ કર્મચારી કિરીટદાન ગઢવીને અચાનક હાર્ટ એટેક આવ્યો હતો..

મળતી માહિતી મુજબ કિરીટદાન ગઢવીને હાર્ટ એટેક આવતાં તેઓ સ્થળ પર જ ગભરાટમાં આવી ગયા હતા.ત્યાં જ રહેલી સહકર્મચારીઓએ તરત જ તેમને સારવાર માટે હોસ્પિટલમાં ખસેડ્યા હતા,પરંતુ સારવાર દરમિયાન તેમનું નિધન થઈ ગયું છે..

આ ઘટનાથી પોલીસ કચેરીમાં શોકની લહેર ફેલાઈ ગઈ છે.કિરીટદાન ગઢવીએ પોલીસ વિભાગમાં સેવા આપી હતી અને તેમનું અવસાન થવાથી પરિવારજનો સહિત સહકર્મચારીઓમાં શોકનું વાતાવરણ છવાઈ ગયું છે.