લાખાબાવળ નજીક સ્કોર્પિયો એન કાર સાથે ટક્કરથી બાઈકચાલકને ગંભીર ઇજા

જામનગરના લાખાબાવળ ગામે સેવન સિઝન્સ રિસોર્ટ નજીક કાચા રસ્તા પર મહીંદ્રા કંપનીની કાળા કલરની નવી (સ્કોર્પિયો એન) કારના ચાલકે પૂરઝડપે અને બેદરકારીથી કાર હંકારી એક્સેસ બાઈકને ટક્કર મારતાં અકસ્માત સર્જાયો હતો. આ બનાવમાં એક્સેસ બાઈક નં. GJ-10-DH-8838 ના ચાલક રામદેવસિંહને જમણા પગમાં તથા કમરના ભાગે ગંભીર ઇજાઓ પહોંચી હતી. અકસ્માત અંગે તેમના નાના ભાઈ અજયસિંહ યોગેન્દ્રસિંહ વાળાની ફરિયાદના આધારે પંચ બી-ડિવિઝન પોલીસે (સ્કોર્પિયો એન) ના ચાલક યશપાલસિંહ અખુભા જાડેજા (રહે.જામ-ખંભાળીયા) સામે BNSની કલમ તથા મોટર વ્હીકલ એક્ટની કલમ હેઠળ ગુનો નોંધી વધુ તપાસ હાથ ધરી છે.