સુરતના વેસુમાં ઝઘડા બાદ યુવકને કેનાલમાં ધક્કો, ફાયર બ્રિગેડે કર્યું દિલધડક રેસ્ક્યુ

સુરતના વેસુ વિસ્તારમાં ઝઘડા બાદ એક યુવકને કેનાલમાં ધક્કો મારી દેવામાં આવ્યો હોવાની ચોંકાવનારી ઘટના સામે આવી છે. આ ઘટના યુનિક હોસ્પિટલની સામે આવેલી કેનાલ પાસે બની હતી.

ઘટનાની જાણ થતાં જ ફાયર વિભાગે તાત્કાલિક સ્થળ પર પહોંચીને કાર્યવાહી શરૂ કરી હતી. ફાયર ફોર્સે સીડીની મદદ લઈને કેનાલમાં ફસાયેલા યુવકનું દિલધડક રેસ્ક્યુ કર્યું હતું.

આ ઘટનામાં યુવકને સુરક્ષિત રીતે બહાર કાઢવામાં આવ્યો છે. ઘટનાની તપાસ માટે સંબંધિત વિભાગો દ્વારા પગલાં ભરવામાં આવ્યા છે.